Իրանի արտաքին գործերի նախարար Մոհամմադ Ջավադ Զարիֆը Գերմանիայի ԱԳ նախարարության պետնախարար Նիլս Անենի հետ Նյու Դելիում անցկացրած հանդիպման ժամանակ Գործողությունների համատեղ համապարփակ ծրագրի (ԳՀՀԾ) հարցով ԵՄ քայլերը ռազմավարական սխալ է անվանել, հաղորդում է ISNA-ն:
Կողմերը քննարկել են ծրագրի շուրջ վերջին զարգացումներն ու տարածաշրջանի իրավիճակը:
Հանդիպման ընթացքում Զարիֆը քննադատել է ծրագրի շրջանակում Եվրոպայի կողմից պարտավորությունների չիրականացումն ու դրա շրջանակում վեճերի կարգավորման մեխանիզմը ռազմավարական սխալ անվանել:
Ավելի վաղ Մեծ Բրիտանիան, Ֆրանսիան եւ Գերմանիան Իրանին պաշտոնապես մեղադրել են իրանական միջուկային ծրագրի վերաբերյալ Գործողությունների համատեղ համապարփակ ծրագրի (ԳՀՀԾ) պայմանները խախտելու մեջ: