News
Լրահոս
News
Երեքշաբթի
Հունվար 28
USD
478.87
EUR
528.43
RUB
7.75
ME-USD
0.06
Տեսնել լրահոսը

Շիրակի մարզպետ Տիգրան Պետրոսյանը մարզպետարանի պատասխանատուների հետ այսօր՝ դեկտեմբերի 15-ին, կրկին այցելել է «Մարալիկի առողջության կենտրոն», հանդիպել ծննդաբերական բաժանմունքի աշխատակիցներին։

Մարզպետարանից NEWS.am-ին հայտնում են, որ մարզպետը նշել է, որ ծննդօգնության բաժանմունքի խնդիրները լուծելու նպատակով ժամկետ է սահմանվել, որի ընթացքում շահագրգիռ կողմերը քայլեր են ձեռնարկելու՝ որակյալ ծառայության ունենալու նպատակով․ «Այս ժամանակահատվածում հնարավորություն է տրվում բոլորին ջանքեր ներդնել իրավիճակը շտկելու համար։ Մենք, իհարկե, պետք է հաշվի առնենք տարածաշրջանի աշխարհագրական դիրքն ու ծննդօգնության ժամանակին տրամադրելու անհրաժեշտությունը, սակայն չպետք է մոռանանք, որ խնդիրներ ունենք որակի հետ կապված։ Սա մտահոգություն է, որ պատասխանատուները տեղին են բարձրաձայնում, պետք է կարողանանք հնարավորինս սեղմ ժամկետներում, կենտրոնացնելով բոլոր ռեսուրսները, հասնենք խնդրի կարգավորման եւ ռիսկերի նվազեցման»։

Տիգրան Պետրոսյանը կարեւորել է բոլոր կողմերի համագործակցությունը, ինչի համար մարզպետարանի պատասխանատուներն ու բուժհաստատության մասնագետները համատեղ աշխատանք են տանելու՝ կարիքների հստակ գնահատման, մասնագիտական, ռեսուրսային բացերի հստակեցման առնչությամբ։ Առաջիկայում կամբողջացվի ինչպես կարիքների ամբողջական փաթեթն, այնպես էլ բաժանմունքի գործունեության շարունակության համար առաջարկներն ու լուծումների տարբերակները։

Տպել
Ֆոտոռեպորտաժներ