Նյու Ջերսիի բնակչուհուն մեղադրանք է առաջադրվել եղունգների կծաքցանով ամուսնուն սպանելու համար:
Դեպքը տեղի է ունեցել հունվարի 11-ին Միլվիլում տներից մեկում: USA.one-ի հաղորդմամբ՝ Քեթլին Այալան եւ Աքսել Տորեսը վիճել են, ապա վեճը ծեծկռտուքի է վերածվել: Տղամարդը հեռացել է տնից, սակայն կինը հետեւել է նրան եւ հարվածներ հասցրել:
Դատախազների խոսքով՝ կինը, ենթադրաբար, հարվածներ է հասցրել եղունգների կծաքցանով: Տորեսը կորցրել է գիտակցությունն ու հիվանդանոց տեղափոխվել, որտեղ էլ մահացել է: Դատական փաստաթղթերի համաձայն՝ կինն ասել է ոստիկանությանը, որ ցանկացել է միայն վախեցնել ամուսնուն: Նրան սպանության գործով մեղադրանք է առաջադրվել:
