Հայաստանին մտահոգում է հարեւան տարածաշրջանում կայունության խախտումը: Այս մասին լրագրողների հետ զրույցում ասաց ՀՀ ԱԳՆ ղեկավար Զոհրաբ Մնացականյանը՝ պատասխանելով Մերձավոր Արեւելքի իրավիճակի եւ Իրանի շուրջ լարվածության մասին հարցին:
Նախարարը նշեց, որ գործընկերների հետ աշխատանքը շարունակվում է, եւ իրավիճակը մտահոգություն է առաջացնում, քանի որ կապված է մեր անմիջական գործընկերների միջեւ տարաձայնությունների հետ: Նրա խոսքով՝ անվտանգության համակարգը գործում է համակարգված, որպեսզի պատրաստ լինի:
«Աշխատում ենք բոլոր գործընկերների հետ, հեռախոսազրույցներ են անցկացնում, դիվանագիտական կորպուսն աշխատում է: Հուսով ենք, որ կհաջողվի կարգավորել իրավիճակը միայն խաղաղ բանակցությունների ճանապարհով՝ խուսափելով բացասական զարգացումներից»,- նշեց Մնացականյանը: