ԱԱԾ նախկին ղեկավար Գեորգի Կուտոյանն ուժեղ անձնավորություն էր։ Այս մասին այսօր՝ հունվարի 17-ին, լրագրողների հետ զրույցում ասաց արդարադատության նախկին նախարար Դավիթ Հարությունյանը։

«Նա ուժեղ անձնավորություն էր, շատ կիրթ, պատրաստված, խորը գիտելիքներ ուներ, թերևս այդքանը»,-նշեց նա։

Ավելի վաղ NEWS.am-ը հայտնել էր, որ Երեւան քաղաքի Պարույր Սեւակի փողոցի բնակարաններից մեկում հայտնաբերվել է ԱԱԾ նախկին պետ Գեորգի Կուտոյանի դին՝ հրազենային վիրավորումով: Նրա դին հայտնաբերել է կինը: Դեպքի վայրում իրավապահները զենք են հայտնաբերել: Հարուցվել է քրեական գործ 110-րդ հոդվածի 1-ին մասով (ինքնասպանության հասցնելը)։