ՀՀ Ազգային ժողովի «Իմ քայլը» խմբակցության պատգամավոր Գեւորգ Պապոյնաի մեքենայից կատարված գողության հետ կապվաած Ոստիկանությունում նյութեր են նախապատրաստվում: Այս մասին NEWS.am-ին հայտնեցին ՀՀ Ոստիկանության լրատվական բաժնից:
«Մանանդյան փողոցի 15 շենքի բակում կայանված ավտոմեքենայի ապակին կոտրել են եւ գողացել դիպլոմատ, որի մեջ եղել են կարեւոր փաստաթղթեր: Ոստիկանության Շենգավիթի բաժնի օպերատիվ խումբ դեպքի վայրում է, գործողություններ են իրականացվում, նյութեր են նախապատրաստվում»,- հայտնեցին Ոստիկանությունից:
Ավելի վաղց հայտնել էինք, որ Ազգային ժողովի «Իմ քայլը» խմբակցության պատգամավոր Գեւորգ Պապոյանը ֆեյսբուքյան իր էջում լուսանկար է հրապարակել եւ հայտնել, որ գողացել են իր պայուսակը: