Disney ընկերությունը կրճատել է 20th Century Fox կինոստուդիայի անվանումը՝ այն զրկելով «Fox» մասից, հաղորդում է BBC-ը:

Ամերիկյան ԶԼՄ-ները կարծում են, որ տվյալ որոշումն ընդունվել է ընկերության կողմից, քանի որ այն չի ցանկանում ասոցացվել քաղաքականացված Fox News հեռուստաալիքի հետ, որը պատկանում է մեդիամագնատ Ռուփերթ Մերդոկին:

Ընկերությունը չի մեկնաբանել որոշման պատճառը:

Հիշեցնենք, որ Disney-ը գնել է կինոստուդիան անցած տարվա մարտին 71 մլր դոլարով:

20th Century Fox-ում նկարահանվել են այնպիսի հայտնի ֆիլմեր, ինչպիսիք են՝ «Ավատար» եւ «Տիտանիկ»:

Բացի այդ, ընկերությունը Fox Searchlight Pictures-ը վերափոխել է՝ դարձնելով Searchlight Pictures: