News
Լրահոս
News
Չորեքշաբթի
Փետրվար 19
USD
478.95
EUR
518.37
RUB
7.51
ME-USD
0.05
Տեսնել լրահոսը


Գազի գինը 15 դոլարով բարձրացել է 2019 թվականի հունվարի 1-ից (դարձել է 165 դոլար 1000 խմ դիմաց), իսկ այս տարվա ողջ ընթացքում գազի գինը սահմանին չի բարձրանալու, դա արդեն պայմանավորված հարց է: Այս մասին, այսօր՝ հունվարի 20-ին, լրագրողների հետ զրույցում նշեց փոխվարչապետ Մհեր Գրիգորյանը:

«Նաեւ պայմանավորվածություն կա, որ մինչեւ ապրիլի 1-ը սակագնի ոչ միայն փոփոխություն տեղի չի ունենա, այլեւ հայտ չի ներկայացվի: Այս պահին ընթանում են քննարկումներ, որոնք ամփոփված չեն: Այս պահին հայտ ներկայացնելու պատճառ ես չեմ տեսնում: Ի՞նչ տեղի կունենա ապրիլի 1-ից հետո. Այո, չի կարելի բացառել, որ հայտ կներկայացվի, որովհետեւ երբ մենք միասին խոսել ենք գազի սակագնի բաղադրիչների մասին, դրանց մեջ կան երեք հիմնականը՝ հինը սահմանին, ընթացիկ ծախսերը, որոնք շատ հեշտ է գնահատական տալ, արագ պայմանավորվել, բայց կա նաեւ ներդրումային ծրագրի հարց: Այնուամենայնիվ կա պնդում, դատողություն, որ ՀՀ տարածքում անվտանգ, անխափան եւ արդյունավետ գազի մատակարարում կազմակերպելու համար անհրաժեշտ են ներդրումներ»,-ասաց փոխվարչապետը:

Նա հավելեց, որ ներդրումների հետ կապված հնարավոր է, որ այնուամենայնիվ, «Գազպրոմ Արմենիան» նոր ասելիքներ ունենա. «Եթե նման հարց առաջանա, դա բաց կքննարկվի: Ես կարող եմ վերահաստատել, որ մինչեւ ապրիլի 1-ը սակագնի փոփոխություն չի լինելու: Սահմանին գազի գինը 2020-ին չի փոխվելու, իսկ մեր բնակարաններում գազի գինը փոփոխվելու հարցը նույնպես պետք է սպասենք ապրիլի 1-ը, որից հետո ավելի հստակ կլինի»,-ասաց Մհեր Գրիգորյանը:

Դիտարկմանը, որ տպավորություն է, որ արդեն պայմանավորվածություն կա, որ գազի սակագինը բնակիչների համար բարձրանալու է ապրիլից, նա արձագանքեց. «Պայմանավորված լինելը նույնիսկ տեսականորեն անհնար է, որովհետեւ դուք գիտեք կարգը, ձեւը, թե ինչպես ա փոփոխվելու սակագինը: Դետալիզացված պայմանավորվածություն հնարավոր չէ ունենալ, բայց քննարկումներն ընթանում են: Ներդրումային ծրագրերի հետ կապված, այո, ցանկություններ կան, որ իրականացվեն որոշակի ներդրումներ»:

Հարցին, թե բյուջեն պլանավորո՞ւմ է փոխհատուցել բնակիչների ծախսերը, եթե գազի սակագինը բարձրանա, փոխվարչապետը չբացառեց նման հնարավորությունը. «Երբ բոլորս հասկանանք, որ այո, հայտ է ներկայացվել, այո, կա ծախսերի անհրաժեշտություն, բնականաբար կառավարությունն իր դիրքորոշումը կհայտնի»,-ասաց նա:

Մհեր Գրիգորյանը նկատեց, որ գազի գնի հարցը միանգամյա քննարկման հարց չի, միշտ էլ քննարկում են բազմակողմ ձեւաչափերով. «Դա թե Իրանին է վերաբերվում, թե ցանկացած այլ հնարավոր տարբերակի:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԱՄԷ-ն իր ատոմային էլեկտրակայանում ռեակտոր կառուցելու լիցենզիա է տվել
ԱՄԷ-ն ունի էներգիայի զգալի պահուստներ, սակայն, ունենալով 10 միլիոն բնակչություն, հսկայական գումարներ է ներդնում էներգիայի այլընտրանքային, այդ թվում՝ արեւային աղբյուրների զարգացման մեջ․․․
Լիբիայում աղետալի են անվանել իրավիճակը երկրում նավթային տերմինալների շրջափակման պատճառով
National Oil Corporation-ի տվյալներով՝ Լիբիայում նավթի արդյունաբերության ծավալները նվազել են 1,2 մլն բարելով...
Բելառուսը կշարունակի նավթ գնել այլ երկրներից, նույնիսկ եթե այն թանկ լինի ռուսականից. Լուկաշենկո
«Ինչո՞ւ եք գնում, եթե այն թանկ է ռուսականից»,- հարցրել է Պուտինը...
ՆԱԵԿ+-ի երկրները հունվարին գերակատարել են Սաուդյան Արաբիայի հաշվին արդյունահանման կրճատման ծրագիրը
Հունվարին արդյունահանումն էապես կրճատել է նաեւ Նիգերիան...
WTI տեսակի նավթի գինն աճուրդների ընթացքում աճել է
WTI տեսակի նավթի` մարտ ամսվա ֆյուչերսներն աճել են 0.23 տոկոսով եւ կազմել 51.29 դոլար մեկ բարելի դիմաց...
Սաուդյան Արաբիան վախենում է կորոնավիրուսի պատճառով նավթի գների անկումից
Էր Ռիադն այս անգամ հնարավոր ավելի մեծ ազդեցություն է տեսնում նավթի պահանջարկի վրա…
Ֆոտոռեպորտաժներ