News
Լրահոս
News
Երկուշաբթի
Փետրվար 17
USD
479.05
EUR
519.53
RUB
7.54
ME-USD
0.05
Տեսնել լրահոսը

Փոխվարչապետ Մհեր Գրիգորյանը մասնակցել է Ֆինանսների նախարարության կողմից կազմակերպված «Պետական ֆինանսների կառավարման համակարգի 2019-2023 թվականների բարեփոխումների ռազմավարությունը» թեմայով աշխատանքային քննարկմանը, որին մասնակցում էին Հայաստանում միջազգային կազմակերպությունների ներկայացուցիչները:

Փոխվարչապետը հանդես է եկել ողջույնի խոսքով, որում մասնավորապես նշել է.

«Ինչպես գիտեք, 2019 թվականի նոյեմբերի վերջին Կառավարությունը հաստատել է Պետական ֆինանսների կառավարման համակարգի 2019-2023 թվականների բարեփոխումների ռազմավարությունը եւ գործողությունների ծրագիրը: Ավելորդ է ասել, որ սա կարեւորագույն ռազմավարություններից մեկն է՝ խարսխային ռազմավարություն եւ որի տեսլականն է՝ ապահովել հանրային բարիքի արդար բաշխումը: Մենք նախատեսում ենք ռազմավարությամբ ապահովել կարգավորումների, կանխատեսումների եւ որոշումների համարժեքություն, հանրային բարիքի հասցեական, արդյունավետ եւ խնայողաբար օգտագործում, թափանցիկության, հաշվետվողականության եւ հսկողության ամբողջականություն: Սկզբունքներ, որոնք երկար քննարկված են, մի կողմից շատ պարզ են, միեւնույն ժամանակ, կարծում եմ, վերահաստատման կարիք ունեն ռազմավարությամբ, որպեսզի մենք բոլորս հասկանանք, թե որ ուղղությամբ ենք շարժվում եւ ինչ վերջնական նպատակներ ունենք:

Նախանշված տեսլականի իրագործման գործում Կառավարությունը որդեգրել է ավելի նախաձեռնողական եւ թափանցիկ գործելակերպ: Կառավարության կողմից նախաձեռնած այս համաժողովը պետական ֆինանսների կառավարման բնագավառում իրականացվող բարեփոխումների թափանցիկության եւ ներառականության ապահովման կարեւոր բաղադրիչ է, եւ նպատակ ունի ձեզ՝ մեր գործընկերների ներկայացնել բարեփոխումների օրակարգը՝ ի ցույց դնելով փոփոխությունների իրականացման քաղաքական կամքը եւ որոշակիացնել դոնոր հանրության հետ համագործակցությունը եւ բարձրացնել դրա արդյունավետությունը:

Հայաստանի կառավարությունը մեծապես կարեւորում է դոնոր համայնքի ներգրավվածությունը Ռազմավարության իրագործման գործում եւ արձանագրում է, որ այդ կառուցողական համագործակցության շնորհիվ է նաեւ հնարավոր դարձել վերջին շրջանում պետական ֆինանսների կառավարման բնագավառում իրականացնել առանցքային փոփոխություններ։ Մեր դիտարկմամբ նշված համագործակցությունն ունի ընդլայնման ներուժ, որի իրացումը հնարավոր է համատեղ ջանքերի համախմբմամբ։

Լիահույս ենք, որ այսօրվա քննարկումները կլինեն արդյունավետ՝ նպաստելով բարեփոխումների հետագա քայլերի իրականացմանը՝ ի շահ Հայաստանի Հանրապետության եւ Հայաստանի քաղաքացիների:

Շնորհակալություն: Ես կրկին ուզում եմ ասել հետեւյալի մասին, որ, իրոք, մենք տրամադրված ենք եւ ծրագրավորում ենք մեր ռազմավարությունների իրական քննարկման ձեւաչափեր նախագծել եւ իրականացնել, որովհետեւ համագործակցությունը դոնորների հետ ռազմավարությունների մշակման եւ ռազմավարություններով նախանշված ծրագրերի իրականացման գործում մենք բարձր ենք գնահատում: Կարծում եմ տվյալ ռազմավարության քննարկումը կլինի ընդհանրապես ռազմավարության քննարկման ձեւաչափ, որը, եթե հաջողվի, ապա, կարծում եմ, կտիրաժավորվի եւ մենք մեր քննարկումները ռազմավարությունների շուրջ կկառուցենք նաեւ այս ձեւաչափով»:

Տպել
Կարդացեք նաև
Ամբողջը
Ավտոմեքենաներ ներմուծողներին. «խորտակվողների փրկությունը՝ խորտակվողների գործն է» (Գրաֆիկ)
Որոշ ներմուծողներ (այդ թվում, հատկապես, ֆիզիկական անձինք) հույս ունեին, որ զանգվածային հոսք կլինի ԵԱՏՄ մյուս երկրներից, որտեղ մաքսատուրքերն արդեն բարձրացել էին…
Դոլարի փոխարժեքը աննշան նվազել է. եվրոն եւս էժանացել է
Թանկարժեք մետաղների համար բանկի կողմից սահմանվել են հետեւյալ գները...
ԱՃԹՆ միջազգային քարտուղարությունը բարձր է գնահատել ոլորտում թափանցիկության բարձրացմանն ուղղված ՀՀ բարեփոխումները
Փոխնախարար Շուշանյանն աշխատաժողովի ընթացքում հանդես է եկել զեկույցներով՝ նվիրված «Իրական սեփականատերերի ինստիտուտի ներդրում․ տեխնիկական խնդիրները եւ դրանք հաղթահարելու ուղիները»...
2023 թվականից ներմուծման եւ արտահանման հետ կապված մաքսային ձեւակերպումները իրականացվելու են Գյումրիում. ՊԵԿ
2023 թվականից մաքսային թույլտվությունների ամբողջ փաթեթը կտրվի մեկ պատուհանի սկզբունքով, ընդ որում՝ առցանց ռեժիմում…
2020 թվականին մաքսային եկամուտների 15 տոկոսանոց աճ է ակնկալվում. ՊԵԿ
«Ինչ վերաբերում է ավտոմեքենաների ներկրմանը, ապա կանխատեսվում է ամսական 150 միավոր, իսկ տարեկան` մոտ 15.000 միավոր...
Մշակվում է օրինագիծ, որը քաղաքացիներին թույլ կտա փոստով դեղերի ոչ մեծ խմբաքանակ ստանալ. ՊԵԿ
Նա հիշեցրեց, որ օրենքի գործող նորմերի համաձայն՝ քաղաքացիները հնարավորություն չունեն փոստով դեղեր ներմուծել...