Նորածին երեխային գրկելու եւ զագս գնալու անհրաժեշտություն երբեւիցե չի եղել: Այս մասին այսօր` ԱԺ-ում ասաց «Իմ քայլը» խմբակցության պատգամավոր Լուսինե Բադալյանը:
«Որպես երկու երեխաների մայր, վերջին անգամ 2007 թվականին եմ եղել ծննդատանը, եթե բան է փոխվել, բայց վստահ եմ` բան չի փոխվել, որ երեխային գրկելու եւ զագս գնալու անհրաժեշտություն երբեւիցե չի եղել: Ես երբեւիցե չեմ եղել որեւէ բյուրոկրատական քաշքշուկի մեջ, որովհետեւ բոլոր հարցերով զբաղվել է երեխայի հայրը: Այսինքն էսպես է` ծննդատնից վերցնում ես տեղեկանք, էնտեղ երեխայի անունն ես գրանցում, բերում ես այս փաստաթուղթը ծննդատուն եւ դուրս ես գրվում, պարոն Մելքումյան»,-ասաց նա:
Ինչին Մելքումյանը դահլիճից պատասխանեց, Լուսինե Բադալյանն էլ արձագանքեց. «Ես կարող եմ գնալ, կրկին ծննդաբերել, խնդիրը դա չէ, բյուրոկրատիա կա, իհարկե, կա, բայց ծննդկանը եւ նորածին երեխան երբեւիցե չեն խառնվել այս հարցերին: Մենք պետք է իչ-որ բան փոխենք, ավտոմատացենենք, բայց երբեք ծննդկանը նորածին երեխայի հետ ինչ-որ տեղ չի գնում, պետք չէ գույները էսպես ուռճացնել: Բայց զագսի աշխատակիցը չունի էդ իրավասությունը` երեխային անձամբ տեսնելու եւ գրանցելու»:
ԱԺ նախագահ Արարատ Միրզոյանն էլ արձագանքեց. «Բայց ճիշտ է ասում տիկին Բադալյանը, երեխային տեսնելը որնա, շատ կոնկրետ պիտի տեսնի, գուցե ցուրտա, գուցե բանա էդ ձեր ասածը անելու համար»:
