Google-ի գործադիր տնօրեն Սունդար Փիչաին կոչ է արել հավասարակշռված մոտեցում ցուցաբերել արհեստական բանականության կարգավորմանը՝ նշելով, որ տեխնոլոգիան ինչպես շահ, այնպես էլ «բացասական հետեւանքներ» է բերում, տեղեկացնում է AP-ը։
«Ես ոչ մի կասկած չունեմ, որ արհեստական բանականությունը պետք է կարգավորել։ Հարցն այն է, թե ինչպես ավելի լավ մոտենալ դրան»,- ասել է Փիչաին։ Նա նշել է, որ կառավարությունները պետք է կարեւոր դեր խաղան եւ որ, քանի որ Եվրամիությունն ու ԱՄՆ-ը սկսում են մշակել իրենց սեփական մոտեցումները կարգավորմանը, ցանկացած հնարավոր կանոնի «միջազգային համաձայնեցումը» վճռական նշանակություն կունենա։
Նրա խոսքով՝ խելամիտ կարգավորումը պետք է նաեւ համաչափ մոտեցում ցուցաբերի՝ հավասարակշռելով պոտենցիալ վնասն ու սոցիալական հնարավորությունները։