Մարդիկ միշտ հարց են տալիս, թե ինչու Հայաստանում մինչեւ հիմա «McDonald's» չկա։ Պարզապես խոսքն այս դեպքում հարցի տնտեսական կողմի մասին է։ Այս մասին Ազգային ժողովի նիստում, առաջին ընթերցմամբ Քաղաքացիական օրենսգրքում լրացումներ կատարելու մասին օրինագծի քննարկման ընթացքում, հունվարի 20-ին ասաց «Բարգավաճ Հայաստան» կուսակցության պատգամավոր Միքայել Մելքումյանը։

Պատգամավորի խոսքով՝ «McDonald's»-ը տուրիստական ընկերություն է, թեեւ այդ ընկերության մատուցած ծառայություններն ավելի թանկ են, քան տեղի ֆասթֆուդը։

Մելքումյանը չբացառեց նաեւ այն հնարավորությունը, որ ինչ-որ մեկն այս տարիներին, գուցե, մինչ այդ գրանցել է նման ապրանքանշան, եւ նշեց, որ Հայաստան եկող միջազգային բրենդները վերջնարդյունքում հայտնվում են դատավարության շրջանակում։

Այս պնդմանը պատասխանեց Հայաստանի արդարադատության առաջին փոխնախարար Ռաֆիկ Գրիգորյանը։ Փոխնախարարը, մասնավորապես, պարզաբանեց, որ գոյություն ունի «հայտնի ապրանքանշան» տերմինը, որը որոշում է հեղինակային իրավունքի հարցերը նման դեպքերում։