News
Լրահոս
News
Ուրբաթ
Փետրվար 28
USD
478.6
EUR
528.57
RUB
7.09
ME-USD
0.04
Տեսնել լրահոսը

ՀՀ կառավարությունը ՀՀ սահմանին բնական գազի բարձրացված գնի դիմաց չի վճարում: Այս մասին Tert.am-ի հարցմանն ի պատասխան հայտնել են «Գազպրոմ Արմենիա» ՓԲԸ-ի Հասարակայնության և ԶԼՄ-ների հետ կապերի ծառայությունից:

«2019 թ. հունվարի 1-ից ՀՀ սահմանին գազի գնի բարձրացման և սպառողների համար գազի սակագինը անփոփոխ թողնելու արդյունքում առաջացած ֆինանսական ողջ բեռը թողնված է «Գազպրոմ Արմենիա» ՓԲԸ-ին, հետևաբար, այդ մասով Հայաստանի Հանրապետության  համար որևէ պարտավորություն չի առաջացել»,- նշված է հարցման պատասխանում:

Ընկերությունից հայտնում են, որ ՀՀ սահմանին բնական գազի թանկացումը փոխհատուցվել է 2019 թ. ներդրումային աշխատանքների և պլանավորվող ներդրումների կտրուկ իջեցման, ընթացիկ և կապիտալ նորոգման ծախսերի նվազեցման ու այլ ծախսերի կրճատման հաշվին: Բացի այդ, դրական ազդեցություն է ունեցել նաև ՀՀ գազասպառողների կողմից բնական գազի սպառման աճը:

Հարցին, թե 2019 թ. ընթացքում ընկերությունում քանի՞ աշխատակից է կրճատվել, «Գազպրոմ Արմենիայից» պատասխանել են. «2019թ. Ընկերության կողմից աշխատանքներ են տարվել կրճատումների իրավական հիմքերը նախապատրաստելու համար: Ինչ վերաբերում է 2020թ. աշխատողների թվաքանակի կրճատմանը, ապա այն պետք է կատարվի փուլային. առաջին փուլում նախատեսվում է կրճատել շուրջ 600 աշխատակից»:

Հիշեցնենք, որ 2019-ի հունվարի 1-ից գազի գինը Հայաստանի սահմանին բարձրացվեց 15 դոլարով՝ 1000 խմ համար դառնալով 165 դոլար, բայց բնակիչների համար այն չթանկացավ: Փորձագիտական շրջանակներում մտահոգություններ կային, որ սահմանին բարձրանալուց և բնակիչների համար գազի սակագինը անփոփոխ մնալուց հետո 2019 թ. ընթացքում կուտակվել է մոտ 30 մլն դոլարի պարտք:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ռուսական կողմը սատարում է հայկական ատոմակայանի շահագործման ժամկետի երկարաձգման գաղափարին
Կառավարությունը դեռ վերջնական որոշում չի կայացրել այս հարցում...
Հայաստանը կգնա ատոմակայանի փակմանը միայն համարժեք փոխարինող հզորությունների առկայության դեպքում
ՀՀ կառավարությունը ջանքեր է գործադրում գործող ատոմակայանի անվտանգ շահագործումն ապահովելու համար...
Ատոմային էլեկտրակայանի նոր էներգաբլոկի կառուցումը ՀՀ կառավարության երկարաժամկետ նպատակների թվում է
Նրա խոսքով՝ այս պահին մշակվել եւ կառավարությանն է ներկայացվել մինչեւ 2040 թվականը Հայաստանի էներգետիկայի զարգացման ռազմավարությունը...
Երեւանում քննարկում ընթանում` «Միջուկային արդյունաբերության զարգացման հեռանկարները Հայաստանում» թեմայով
«Ռազմավարությունը Հայաստանում նոր ատոմակայանի կառուցման անհրաժեշտություն է նախատեսում` այս ոլորտում նորարարական լուծումների կիրառմամբ...
Հայաստանին ռուսական գազի մատակարարումների մասին պայմանագրի հարցը երկու երկրների միջեւ «կռվախնձոր» չի դառնա. դեսպան
«Այդ հարցով ավելի լավ է դիմել մասնագետներին, որոնք զբաղվում են այդ հարցերով»,- նշեց դեսպանը...
Նավթի համաշխարհային գները նվազում են
Փետրվարի 27-ին սակարկությունները սկսվել են նավթի համաշխարհային գների նվազմամբ…
Ամենաշատ