News
Լրահոս
News
Հինգշաբթի
Փետրվար 20
USD
478.63
EUR
517.06
RUB
7.53
ME-USD
0.05
Տեսնել լրահոսը

2019թ. հունվարի 1-ից Հայաստանի սահմանին մատակարարվող բնական գազի գինը փոխվեց, հասնելով հազար խորանարդ մետրի համար 150 դոլարի: Այս մասին իր հոդվածում գրել է «Այլընտրանքային նախագծեր խմբի» անդամ Աշոտ Խաչատրյանը:

Նա, մասնավորապես, նշել է. «Այսուհանդերձ, գնի այս փոփոխությունից հետո սպառողներին մատակարարվող բնական գազի սակագինը չփոխվեց։ Հետհեղափոխական ժամանակներ էին եւ կառավարությունն իրեն նման ճոխություն թույլ տալ չէր կարող, սխալ կհասկանային:

2019թ. հունվարի 1-ից բնական գազի գնի տարբերությամբ առաջացող վնասները փոխհատուցվում են «Գազպրոմ Արմենիա» ՓԲԸ-ի ներքին ռեսուրսների (խնայողությունների) հաշվին, ինչը, բնական է, երկար շարունակվել չէր կարող։

Թե ինչն է ստիպել «Գազպրոմ Արմենիա» ՓԲԸ-ին, լինելով շահույթ հետապնդող կազմակերպություն, պարզապես հրաժարվել իր հիմնական գործառույթից ստացվող միջոցներից եւ աշխատել վնասով, դժվար է ասել։ Դրա փոխարեն «Գազպրոմ Արմենիա» ՓԲԸ-ն կրճատել է ներդրումների ծավալները։ Սրա հետեւանքը պատկերացնելու համար պետք է հասկանալ, որ այս ընկերության կողմից կատարվող ներդրումների կրճատումը ենթադրում է համակարգի աշխատանքի վատթարացում, ինչն էլ բերում է գազի մատակարարման ոլորտում բնական կորուստների աճի։

Սակայն վերջին հաշվով սակագնի որոշման մեթոդաբանության համաձայն, գազի կորուստների փոխհատուցումը ներառվում եւ ներառվելու է սակագնի հաշվարկում։

2019թ. դեկտեմբերի 19-ին «Գազպրոմ Արմենիա» ՓԲԸ-ի գլխավոր տնօրենը նշել էր, որ գազի սակագնից է կախված, թե համակարգում ինչպիսի աշխատանքներ եւ ինչ ծավալով կարելի է անցկացնել։ Այժմ սակագինը հայտնի չէ, ուստի 2020թ.-ի ներդրումներն ավելի քիչ ծավալով են նշված, քան 2021-2024թթ.-ին։ Գլխավոր տնօրենի խոսքերով, դեռ պարզ չէ, թե ինչ սակագին կլինի, դժվար է կանխատեսել, թե որքան միջոցներ կունենանք եւ ինչ աշխատանքների համար դրանք կբավականացնեն։

Հանրային ծառայությունները կարգավորող հանձնաժողովի նախագահ Գարեգին Բաղրամյանը հայտարարեց, որ չի բացառվում, որ «Գազպրոմ Արմենիա» ընկերությունը հայտ ներկայացնի Հանրային ծառայությունները կարգավորող հանձնաժողով՝ սպառողի համար գազի սակագինը թանկացնելու համար, նշելով, որ գազի գնի չթանկացման մասին հայտարարությունը վերաբերում էր միայն սահմանին վաճառվող գազին, բայց դա չի նշանակում, որ «Գազպրոմ Արմենիա»-ն չի կարող հայտ ներկայացնել հանձնաժողով։

Փոխվարչապետ Մհեր Գրիգորյանն ավելի հստակեցրեց ժամկետները, նշելով, որ հիմա ընթանում են քննարկումներ, եւ այս պահին հայտ ներկայացնելու որեւէ պատճառ չկա։ Մինչդեռ չի բացառվում, որ հայտ կներկայացվի ապրիլի 1-ից հետո։

«Գազպրոմ Արմենիա» ՓԲԸ-ի կողմից յուրաքանչյուր տարի կատարված ներդրումները փոխհատուցվում են հաջորդ տարվա սակագնով՝ մաշվածության եւ շահույթի միջոցով։ 2018-2019թթ. ընթացքում «Գազպրոմ Արմեինա» ՓԲԸ կողմից իրականացված ներդրումները դեռեւս չեն փոխհատուցվել, որովհետեւ թե՛ 2018 թվականին, թե՛ 2019 թվականին սպառողներին մատակարարվող բնական գազի սակագնի վերանայում չի եղել։ 2019թ. հունվարի 1-ից, ընդհանուր առմամբ, կուտակել ենք մոտ 30 մլն դոլար պարտք եւ 2020 թվականի հունվար, փետրվար, մարտ ամիսներին դեռ կշարունակենք պարտք կուտակել։

Արդյունքում ստացվում է, որ սակագնի որոշման ձգձգումը մի կողմից բերելու է պարտքերի կուտակման եւ հետո անդրադառնալու է սակագնի վրա, մյուս կողմից բացասական միջավայր է ստեղծում բիզնեսի համար, քանի որ նրանք չեն կարող գոնե մեկ տարվա կտրվածքով կանխատեսել հնարավոր ծախսերը։

Մի բան ակնհայտ է, գազի գնի թանկացման համար վճարվելու է սպառողի գրպանից, սակայն կախված կուտակվող պարտքերից դրա արժեքը կարող է տարբեր լինել։

Տպել
Կարդացեք նաև
Ամբողջը
Նավթի գներն աճում են
Brent տեսակի նավթի ապրիլյան ֆյուչերսներն աճել են 0.36 տոկոսով եւ կազմել 59.33 դոլար մեկ բարելի դիմաց...
Գիտնականներն օդից հոսանք ստացող սարք են ստեղծել
Air-gen-ն արեւի, ջրի կամ քամու էներգիա չի պահանջում եւ կարող է արդյունավետ լինել նույնիսկ փակ տարածքներում...
Ֆրանսիայի իշխանությունները փակել են ամենահին միջուկային համալիրը
Երկրի վարչապետ Էդուարդ Ֆիլիպի հայտարարության մեջ այս որոշումը որակվել է որպես Ֆրանսիայի էներգետիկ ռազմավարության «առաջին փուլ»...
ԱՄԷ-ն իր ատոմային էլեկտրակայանում ռեակտոր կառուցելու լիցենզիա է տվել
ԱՄԷ-ն ունի էներգիայի զգալի պահուստներ, սակայն, ունենալով 10 միլիոն բնակչություն, հսկայական գումարներ է ներդնում էներգիայի այլընտրանքային, այդ թվում՝ արեւային աղբյուրների զարգացման մեջ․․․
Լիբիայում աղետալի են անվանել իրավիճակը երկրում նավթային տերմինալների շրջափակման պատճառով
National Oil Corporation-ի տվյալներով՝ Լիբիայում նավթի արդյունաբերության ծավալները նվազել են 1,2 մլն բարելով...
Բելառուսը կշարունակի նավթ գնել այլ երկրներից, նույնիսկ եթե այն թանկ լինի ռուսականից. Լուկաշենկո
«Ինչո՞ւ եք գնում, եթե այն թանկ է ռուսականից»,- հարցրել է Պուտինը...