News
Լրահոս
News
Հինգշաբթի
Մարտ 28
Տեսնել լրահոսը

ԵԱՀԿ Մինսկի խմբի համանախագահների տարածաշրջանային այցի շրջանակներում արված հայտարարությունը զսպաշապիկ կհագցնի Ադրբեջանին` ստիպելով նրան այլեւս ձեռնպահ մնալ ոչ միայն ռազմատենչ հայտարարություններ անելուց, այլ նաեւ շփման գծում հրադադարի ռեժիմը խախտելուց:

Այս մասին NEWS.am-ի թղթակցի հետ զրույցում ասաց ԱԺ փոխնախագահ Սամվել Նիկոյանը` հավելելով, թե հայտարարությունը կողմերի համար պետք է որպես ուղեցույց դառնա:

Նա նաեւ հավելեց, որ Մինսկի խմբի համանախագահները մինչեւ այժմ բավարարվել էին շփման գծում արձանագրված միջադեպերի մասին հայտարարություններ անելով: «Սակայն վերջին հայտարարությունն արդեն գործնական քայլ է, որը ցույց է տալիս, թե ինչպես կարելի է հրապարակային, թափանցիկ հետաքննություն անցկացնել երկու կողմերի մասնակցությամբ»,-նկատեց Նիկոյանը:

Ըստ ԱԺ փոխնախագահի` այս հայտարարությունը նաեւ կստիպի Ադրբեջանին հետ կանգնել Ղարաբաղի օդանավակայանից թռչող քաղաքացիական օդանավերին հարվածելու սպառնալիքից, ինչի մասին հայտարել է Ադրբեջանի նախագահ Իլհամ Ալիեւը` քաղավիացիայի վարչության պետի շուրթերով: «Ադրբեջանը պետք է շատ լավ հասկանա, որ Ադրբեջանն ու Հայաստանը միմյանց հետ պետք է հաղորդակցվեն ոչ միայն  ցամաքային, այլ նաեւ օդային կապով: Դա ընդամենը հաղորդակցություն է, կապ երկու պետությունների միջեւ: ԼՂ-ն, ինչպես աշխարհի շատ չճանաչված պետություններ, օդային հաղորդակցության իրավունք ունի»,-նշեց Նիկոյանը:

Հիշեցնենք, որ ԵԱՀԿ Մինսկի խմբի համանախագահների տարածաշրջանային այցի շրջանակներում արած  հայտարարության մեջ ասվում է, որ ժամանակն է ավարտել եւ հաստատել ղարաբաղյան հակամարտության հիմնարար սկզբունքները, ինչպես նաեւ խաղաղ համաձայնագրի մշակումը:

«Համանախագահները ողջունում են կողմերի հավաստիացումները, թե հրաժարվելու են քաղաքացիական օդանավերի վրա հարձակվելուց կամ սպառնալիքներից, այդ հարցերը հետաքննելու են դիվանագիտորեն եւ զերծ են մնալու հարցի քաղաքականացումից:

Համանախագահները ապրիլի վերջին այցելելու են Վաշինգտոն` խորհրդատվություններ անցկացնելու ԱՄՆ կառավարության պաշտոնատար անձանց հետ քննարկելու առաջընթացի կարգավիճակը խաղաղ կարգավորման հարցում»,- ասված է հայտարարության մեջ:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ծիծեռնակաբերդի բարձունքում նշվեց Ադրբեջանական ԽՍՀ-ում հայկական ջարդերի զոհերի հիշատակին նվիրված տարելիցը
Ծիծեռնակաբերդի բարձունքում նշվեց Ադրբեջանական ԽՍՀ-ում կազմակերպված...
Բոլորս պետք է ջանանք, որ Սումգայիթում տեղի ունեցած ողբերգությունները երբեք չկրկնվեն. Մարագոս
Իմ խորին ցավակցությունն եմ հայտնում բոլորին, ովքեր 36 տարի առաջ...
Բաքվին կոչ ենք անում առերեսվել հայաբնակ վայրերի հայաթափման հանցանքին, ԼՂ էթնիկ զտմանը և ցեղասպանությանը.հայտարարություն
Ադրբեջանի արտաքին գործերի նախարարությանը հայտարարություն է տարածել՝ շարունակելով Հայաստանի հասցեին հերյուրանքներ սփռելու պետական գիծը...
Այսօր էլ Ադրբեջանը շարունակում է իր վերահսկողության ներքո հայկական որևէ հետքի վերացմանն ուղղված քաղաքականությունը. ԱԳՆ
Միջազգային հանրությունը պետք է համարժեք գնահատական տա տեղի ունեցած զանգվածային ոճրագործություններին և գործարկի առկա բոլոր մեխանիզմները...
Երեւանում տեղի կունենա Ադրբեջանում հայերի ցեղասպանության զոհերի հիշատակի միջոցառում
Փետրվարի 28-ին Ծիծեռնակաբերդում տեղի կունենա հիշատակի միջոցառում...
Մարուքյանը ուշագրավ փաստեր է հրապարակել Խոջալուի դեպքերի հետ կապված՝ վկայակոչելով Ադրբեջանի 1-ին նախագահի հարցազրույցը
Ադրբեջանի առաջին նախագահ Այազ Մութալիբովը հայտարարել է, որ «Խոջալուի վրա հարձակումը անակնկալ հարձակում չէր»։ 1992 թվականին ռուսական...
Ամենաշատ