News
Լրահոս
News
Ուրբաթ
Դեկտեմբեր 04
USD
510
EUR
617.61
RUB
6.79
ME-USD
0.01
Տեսնել լրահոսը


ՀՀ վարչապետ Նիկոլ Փաշինյանը ֆեյսբուքյան ուղիղ եթերի միջոցով անդրադարձավ ամանորյա միջոցառումների համար ծախսված գումարին:

Վարչապետի խոսքով, Ամանորի համար 271 միլիոն դրամ ծախսելով՝ Հայաստան են բերել հավելյալ 9 միլիարդ 307 միլիոն դրամ։

«Հիշում եք, որ կառավարությունը Ամանորից առաջ որոշում կայացրեց 271 մլն դրամ հատկացնել Երեւանի քաղաքապետարանին, որպեսզի Հանրապետության հրապարակում ամանորյա միջոցառումները կազմակերպվեն նոր տրամաբանությամբ, նոր թափով: Երբ այդ գումարը տրամադրվում էր, շատ քննադատություններ հնչեցին, թե որքանով է արդյունավետ նման միջոցներ հատկացնելը:

Հիմա ուզում եմ արդյունքների հիման վրա անդրադառնալ այդ հարցին. Այդ միջոցների տրամադրման նպատակն այն էր, որ զբոսաշրջիկներից, մեր հայրենակիցների համար Ամանորը Երեւանում անցկացնելն ավելի գրավիչ լինի: Մենք ունենք տվյալներ եւ կարող ենք ասել, որ դեկտեմբերի 28-ից հունվարի 6-ն ընկած ժամանակահատվածում նախորդ տարվա համեմատ ունեցել ենք 9 մլրդ 307 մլն դրամի հավելյալ դրամաշրջանառություն: Փաստորեն, մենք 271 մլն դրամ ծախսելով կարող ենք ենթադրել, որ նաեւ դրանով է, որ ապահովել ենք այդ 9 մլրդ դրամ ավել դրամաշրջանառությունը: Դրանից ավելի քան 4 մլրդ դրամը տեղի է ունեցել մարզերում»,-ասաց Նիկոլ Փաշինյանը:

Նա հավելեց, որ նման միջոցառումներ կազմակերպելու արդյունքում շատերը եկել են Երեւանում Ամանորը նշելու, որից հետո նրանց մի մասն այցելել է նաեւ մարզեր:

«Այդ գումարը գնացել է փոքր կրպակների տերերին, տաքսու վարորդներին եւ մենք այս միջոցով փոքր բիզնես ունեցողներին օգնել ենք, որ հավելյալ եկամուտներ գեներացնեն:

Կա ավելի կարեւոր արձանագրում. Ամենամեղմ հաշվարկների արդյունքով, այս 9 մլրդ հավելյալ առեւտրաշրջանառության արդյունքում, ինձ ասում են, որ գեներացվելու է ավելի քան 325 մլն դրամի հարկ: Այսինքն այն 271 մլն դրամը որ ծախսեցինք Ամանորին, առնվազն կրկին վերադառնալու է բյուջե եւ մի բան էլ ավելի: Սրանով բազմաթիվ գործարարներ օգտվեցին այդ դրամաշրջանառությունից: Մյուս տարի մենք ավելի մասշտաբային ծախսեր ենք անելու Ամանորի հետ կապված»,-ընդգծեց վարչապետը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Իմ քայլը» հիմնադրամը կկազմակերպի Ամանորի և Սուրբ Ծննդյան «տոնավաճառ» ու անվճար հացատուն Ստեփանակերտում
ՀՀ-ում ժամանակավոր բնակություն հաստատած արցախցի հղի կանանց ու նորածինների համար անհրաժեշտ պարագաների ձեռքբերում…
Հարավային Կորեայում կորոնավիրուսի պատճառով արգելել են ամանորյա երեկույթները
Ներկայում Հարավային Կորեայում նկատվում է կորոնավիրուսով վարակման ամենասրընթաց աճը վերջին 9 ամիսների ընթացքում...
Չեխիայի վարչապետը մտադիր է ապահովել մինչեւ Սուրբ Ծնունդը բոլոր քաղաքացիների համար կորոնավիրուսի անվճար թեստավորումը
Երկիրն արդեն սկսել է օգտագործել հակամարմինների թեստեր...
Մելանյա Թրամփին մեղադրել են կեղծավորության մեջ տոնածառի պատճառով
«Դու ատում ես այս տոնի յուրաքանչյուր րոպեն...
ԱՄՆ-ում պանդեմիայի պատճառով երեխաներին արգելել են նստել Սանտա Կլաուսի ծնկներին
Անցած տարի Սանտա Կլաուսի հետ հանդիպման է գնացել ավելի քան 10 մլն ընտանիք...
Փարիզի հիվանդանոցի ղեկավարը կոչ է արել Ֆրանսիայում չեղարկել Սուրբ Ծնունդը եւ Ամանորը կորոնավիրուսի պատճառով
«Առանց վարանելու կասեմ՝ մենք պետք է չեղարկենք Սուրբ Ծնունդը եւ Սուրբ Սիլվեստրի օրը»,-ասել է Լենգլեն...
Ամենաշատ