News
Լրահոս
News
Կիրակի
Փետրվար 23
USD
478.35
EUR
517.05
RUB
7.43
ME-USD
0.05
Տեսնել լրահոսը

Հաշվի առնելով Հայաստանի տնտեսության զգայունությունը փոխարժեքի տատանումների հանդեպ՝ Կենտրոնական բանկի կողմից դրամավարկային արդյունավետ քաղաքականության իրականացումը առաջնահերթ նշանակություն ունի երկրում ֆինանսական կայունության ապահովման տեսակետից։ Այս մասին ՀՀ Ազգային ժողովում, «Արտոնագրման մասին» եւ հարակից օրենքներում փոփոխություններ կատարելու մասին օրինագծերի փաթեթի քննարկման ընթացքում, հունվարի 22-ին ասաց Կենտրոնական բանկի փոխնախագահ Ներսես Երիցյանը։

Նրա խոսքով՝ համաձայն «Կենտրոնական բանկի մասին» օրենքի, ԿԲ հիմնական նպատակն է գների կայունության եւ ընդհանրապես ֆինանսական կայունության ապահովումը։ Այդ քաղաքականության շրջանակում, ինչպես նշեց ԿԲ փոխնախագահը, Կենտրոնական բանկը սահմանում է արտոնագրման, հետագա գործունեության կարգավորման եւ շուկայի մասնակիցների վերահսկողության կանոնները։ «Արժույթի շուկայի կարգավորումները պարզապես արտոնագրման վերաբերյալ  գործունեության կանոններ չեն, այլ նաեւ, ըստ էության, ապահովում են արժութային շուկաների կայունությունը»,- ընդգծեց Երիցյանը՝ ավելացնելով, որ Հայաստանի Կենտրոնական բանկը, շնորհիվ նշված կանոնների, ապահովում է իր հիմնական նպատակի՝ գնային եւ ֆինանսական կայունության ապահովման խնդրի կատարումը արժույթի շուկայում չարաշահումների զսպման եւ արժութային «շոկերից» ֆինանսական համակարգի պաշտպանության միջոցով։

Նման մոտեցումը, ԿԲ ներկայացուցչի կարծիքով, առաջին հերթին ուղղված է շոկային իրավիճակներում բնակչության շահերի պաշտպանությանը։ Ընդ որում՝ ուսումնասիրելով արժութային դիլեր-բրոքերների միջազգային փորձը եւ ոլորտում իրավիճակի զարգացումը, Կենտրոնական բանկը մշակել է շուկայի մասնակիցների կողմից չարաշահումների ռիսկը նվազագույնի հասցնելու քաղաքականություն։

Նման մոտեցումը, ինչպես նշեց պաշտոնյան, օգտագործվում է արժույթի շուկայի հանդեպ զգայուն շատ երկրներում եւ ուղղված է ֆինանսական շուկայի կայունության ապահովմանն ու բնակչության ավելի լայն մասի շահերի պաշտպանությանը հնարավոր չարաշահումների ռիսկից։ «Այս օրենսդրական փաթեթի ընդունումից հետո արժութային-դիլերական բրոքերային գործունեությունը՝ որպես արտոնված գործունեության տեսակ, կդադարի գոյություն ունենալ, եւ այդ ծառայությունները կմատուցվեն ֆինանսական այլ ինստիտուտների կողմից, որոնք գործում են շուկայում»,- եզրափակել է Ներսես Երիցյանը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ամերիա Սերունդ. 2012թ.-ից երիտասարդների կողքին
Ծրագրի հիմնական նպատակը 21-27 տարեկան երիտասարդ, նորավարտ մասնագետների համար գործարար միջավայրում ուսանելու, տեսական գիտելիքները գործնականում կիրառելու հնարավորություն ստեղծելն է…
IDBank-ն առաջինը Հայաստանում ներկայացնում է Visa Signature պրեմիում դասի քարտը
Պրեմիում դասի ծառայություններից օգտվող հաճախորդներն իրենց պահանջներով պրոդուկտները զարգացնելու մեծ հնարավորություն են տալիս և Կովկասում անկանխիկ վճարումներ կատարելու Visa-ի ռազմավարության մասն են կազմում...
Ո՞վ է գողանում Համաշխարհային բանկի օգնությունը. հետազոտության մեջ 22 երկիր է ներառվել, այդ թվում նաեւ` Հայաստանը
Դրանք ընտրվել են այն պատճառով, որ օգնության չափը, դրանց տնտեսությունների համեմատ, զգալի է, իսկ տեղական բանկային համակարգը զարգացած չէ կամ իսպառ բացակայում է...
IDBank-ի մասնաճյուղերն այսուհետ ավելի երկար կաշխատեն
Բանկի գործառնական տնօրեն Արման Ասատրյանի խոսքով IDBank-ը երկարաձգել է գրեթե բոլոր մասնաճյուղերի աշխատանքային ժամերը…
Մեծ Բրիտանիայում շրջանառության մեջ են դրվել նկարիչ Թյորների դիմանկարով թղթադրամները
Անգլիայի Բանկի ղեկավար Մարկ Քարնիի խոսքով՝ Թյորները «բոլոր ժամանակների ամենաազդեցիկ նկարիչներից մեկն է»...
«Հայբիզնեսբանկ». Առաջատար բանկը՝ ֆիզիկական անձանց ժամկետային ավանդների ներգրավման գծով
ՀԱՅԲԶԻՆԵՍԲԱՆԿԻ ժամկետային ավանդների պորտֆելը հատել է 300 միլիարդ դրամի շեմը: Դա Բանկի նկատմամբ բնակչության կողմից մեծ վստահության կարեւոր...