News
Լրահոս
News
Երկուշաբթի
Հուլիս 13
USD
486.73
EUR
549.62
RUB
6.84
ME-USD
0.02
Տեսնել լրահոսը


ԼՀԿ-ի նախագահ Էդմոն Մարուքյանը, փաստորեն, ուշադրության պակաս ունի եւ փորձում է իր պնդումների բովանդակազրկությունը լրացնել սկանդալներով։ Այս մասին այսօր՝ հունվարի 22-ին, լրագրողների հետ հանդիպմանն ասաց Արտաքին հարաբերությունների հանձնաժողովի նախագահ Ռուբեն Ռուբինյանը։

Նշենք, որ Մարուքյանը լրագրողների հետ հանդիպմանն ասել էր, որ Ռուբեն Ռուբինյանը վերջերս խնդրել է Աշոտյանին հանդիպել ու սուրճ խմել. «Ինքը լատենտ սուրճ խմող է»։

«Պարոն Մարուքյանն իր ասուլիսն ավելի սազական կլիներ, որ իրենց խոհանոցում տար, որովհետեւ դրա բովանդակությունը ամբողջապես խոհանոցային էր։ Կար քննիչ հանձնաժողով ստեղծելու հարց եւ «Իմ քայլը» խմբակցությունը հանգամանալից ներկայացրեց այն խնդիրը, որ կա դրա հետ, այն է, այդ քննիչ հանձնաժողովի թեման չի մտնում ԱԺ-ի լիազորությունների մեջ։ Եվ  իրավական եւ տրամաբանական տեսանկյունից այդ քննիչ հանձնաժողովը խնդիր կստեղծեր համապատասխան մարմինների՝ միմյանց լիազորությունների մեջ մտնելու հարցում։ Իշխանությունը որեւիցե խնդիր չունի որեւէ հարց պարզաբանելու, ճշտելու, հարցերին պատասխանելու վերաբերյալ։ ԼՀԿ-ի եւ ԲՀԿ-ի մեր գործընկերները ազատ են համապատասխան գործընթաց նախաձեռնել Երեւանի ավագանիում։ Մեր սիրելի գործընկեր Էդմոն Մարուքյանը, փաստորեն, ուշադրության պակաս ունի եւ փորձում է իր պնդումների բովանդակազրկությունը լրացնել սկանդալներով»,- ասաց Ռուբեն Ռուբինյանը։

Ռուբինյանը պատմեց, թե Արմեն Աշոտյանի հետ տեղի ունեցած հանդիպմանն ինչ թեմաներ է քննարկվել.

«Այդ հանդիպումը գաղտնիք չի եղել, դա եղել է մոտ 7-ից 8 ամիս առաջ։ Խոսակցության թեման երկուսն է եղել։ Հայտնի է, որ ԵԽԽՎ-ում ԱԺ պատվիրակության «Իմ քայլականները» ներառյալ ինձ, մտել են ԵԺԿ-ի խումբ։ Երբ իմ գործընկերների հետ քննարկում էի ԵԺԿ-ի խումբ մտնելու հարցը , իմ այնտեղի գործընկերները, հաշվի առնելով, որ ՀՀԿ-ն ԵԺԿ-ի ասոցացված անդամ է, խնդրեցին տեղյակ պահել նաեւ պարոն Աշոտյանին ։ Պարոն Աշոտյանին հարցրել եմ ՝ արդյոք այդ հակահայկական բանաձեւի զեկուցողը եվրոպական մի երկրի պատգամավոր էր, հարցրել եմ՝ արդյոք Աշոտյանը կարո՞ղ է հանդիպում կազմակերպել մեր միջեւ, նա ասել է, որ կփորձի, բայց չի կարողացել։ Այդքանով եզրափակվել է մեր խոսակցությունը։ Ցավում եմ, որ ԱԺ-ում քննարկումները բովանդակազրկվում են ընդդիմության կողմից եւ բերվում խոհանոցային մակարդակի խոսակցությունների»։

Անդրադառնալով Աշոտյանի հետ սուրճ խմելուն, Ռուբինյանն ասաց. «Ասեմ, որ ես առանձնապես շատ սուրճ չեմ խմում։ Բայց մենք Մարուքյանի հետ մի քանի օր առաջ սուշի էինք ուտում, ուղղակի բարոյականությունը ինձ թույլ չի տալիս ասել՝ սուշի ուտելու ընթացքում ինչ թեմաներ էին քննարկում եւ ինչ էինք խոսում»։

Ռուբեն Ռուբինյանն ինքն է վերջերս խնդրել Աշոտյանին հանդիպել ու նրա հետ սուրճ խմել. Ինքը լատենտ սուրճ խմող է. Մարուքյան

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Ժողովուրդ». Էրիկ Գրիգորյանին փոխարինող չեն գտնում. ինչ ճակատագիր է սպասվում նախարարությանը
Ավելին, «Ժողովուրդ» օրաթերթի տեղեկություններով՝ իշխանության ներսում...
«Ժողովուրդ». Արդարադատության նախարարի տեղակալներից մեկի հաստիքը թափուր կմնա
Այսպիսով, Արդարադատության նախարարությունում սեպտեմբերին...
«Հրապարակ». ԼՀԿ-ն իր կորցրած մանդատի հարցով գնալու է մինչեւ վերջ. սպառելու է բոլոր ընթացակարգերը եւ դիմի ՍԴ
ԿԸՀ-ն արձանագրեց․ չկան իրավական հիմքեր, ըստ որոնց՝ հնարավոր է վերականգնել որեւէ խմբակցության մանդատ...
«Ժողովուրդ». Ի՞նչ հարցեր են ընդգրկված դատավորների ընդհանուր ժողովում. հայտնի ՍԴ դատավորի թեկնածուի անունը
Բացի այդ, մեր տեղեկություններով՝ հենց այդ օրը Դատավորների ընդհանուր ժողովը...
«Հրապարակ». ԿԳՄՍՆ-ում տեղափոխություններ են սպասվում. ով հրաժեշտ կտա պաշտոնին
Մենք կապվեցինք նրա հետ եւ հարցրինք՝ ճի՞շտ է, որ իրեն...
«Ժողովուրդ». Ծախսել են, բայց չգիտեն՝ որքան. ինչու է առողջապահության նախարարությունը թաքցնում տվյալները
Հետաքրքրվել էինք նաեւ, թե որքան գումար է հատկացվել 1 անձի համար՝ բուժում սնունդ, գիշերակաց եւ այլն...
Ամենաշատ