News
Լրահոս
News
Երկուշաբթի
Փետրվար 17
USD
479.05
EUR
519.43
RUB
7.57
ME-USD
0.05
Տեսնել լրահոսը


Տպավորություն է ստեղծվում, թե դատարանը չի ցանկանում ողջ տեսնել Մանվել Գրիգորյանին, «չկա մարդ՝ չկա խնդիր» սկզբունքով։ Այս մասին հունվարի 22-ին լրագրողների հետ հանդիպման ժամանակ ասաց նախկին պատգամավոր, «Երկրապահ» կամավորական միության նախկին նախագահ Մանվել Գրիգորյանի փաստաբան Լեւոն Բաղդասարյանը։

«Մանվել Գրիգորյանի գործը դատավարություն չէ, այլ բռնություն Հայաստանի իշխանությունների աչքերի առաջ, եւ ես չեմ բացառում, որ կդիմեմ վարչապետ Նիկոլ Փաշինյանին՝ խնդրելով ստեղծել Մանվել Գրիգորյանի դեմ անօրինական գործողությունների հետաքննման անկախ հանձնաժողով»,- նշել է նա։

Նրա խոսքով՝ այժմ դատախազությունը ցանկանում է ապացուցել, որ արել է ամեն ինչ, որպեսզի Գրիգորյանը բուժօգնություն ստանա, բայց այդպես չէ՝ հաշվի առնելով, որ իրավապահները անգամ հանել են հիվանդի կատետրն ու բերել ՔԿՀ։ «Հենց դրանից հետո իմ պաշտպանյալը համաձայնեց դիմել ՄԻԵԴ, որն արձագանքեց համապատասխան կերպով, ինչից հետո Գրիգորյանն սկսեց օգնություն ստանալ լավագույն քաղաքացիական հիվանդանոցներից մեկում, որտեղ նա, սակայն, նոր հիվանդություններ ձեռք բերեց։ Գրիգորյանը տառապում է ավելի քան 30 հիվանդություններով, չի կարող ինքնուրույն տեղաշարժվել եւ միացված է արհեստական շնչառության սարքին։ Դա վկայում է այն մասին, որ մարդը ոչ միայն ինտենսիվ բուժում չի ստանում, այլեւ նրա մոտ հետընթաց է նկատվում։ Այս պայմաններում մենք միջնորդել ենք, որպեսզի նրան տեղափոխեն այն հիվանդանոց, որտեղ նա բուժվել է նախկինում, բայց դատախազությունը ընդհանուր դատողությունների հիման վրա առարկել է միջնորդությունը։ Իմ պաշտպանյալը միշտ բուժվել է արտասահմանում եւ կախված չի եղել ինսուլինից, քանի որ գտնվել է բժիշկների հսկողության տակ, բայց ձեբակալությունից հետո այդ հսկողությունը չկար։ Մեր կոչն այն մասին էր, որ թույլ տան Գրիգորյանին բուժում ստանալ այն հիվանդանոցում, որտեղ բուժվում էր նախկինում, ինչից հետո վերադառնալ եւ կանգնել դատարանի առջեւ։ Այս հարցում պետությունը պետք է իր վրա դրական պարտավորություն վերցներ, որպեսզի վաղը-մյուս օրը ոչ ոք իրեն մեղավոր չզգար»,- ընդգծել է Բաղդասարյանը։ Փաստաբանը հիշեցրել է, որ գործը գտնվում է ՄԻԵԴ-ում, գործով ընդունվել է 3 միջանկյալ որոշում, որոնք վերաբերում են բռնությանն ու անօրինական ձերբակալությանը։

Լեւոն Բաղդասարյանը Գրիգորյանի մեղադրանքները չի կապել մարտի 1-ի գործի հետ, քանի որ իր պաշտպանյալը ոչ մի անգամ այդ գործով չի հարցաքննվել։ «Կգա ժամանակը, եւ հասարակությունը կիմանա, թե ով է մեղավոր մարտի 1-ի գործով, իսկ ով՝ ոչ, իսկ առայժմ կարող եմ ասել, որ Գրիգորյանի դեմ սարքված գործը ոչ մի կերպ կապված չէ այդ գործի հետ»,- եզրափակել է նա։

Հիշեցնենք, որ դատարանը հունվարի 15-ին փոխել էր նախկին պատգամավոր եւ «Երկրապահ» կամավորականների միության նախկին նախագահ Մանվել Գրիգորյանի խափանման միջոցը՝ նրան ազատելով կալանքից չբացակայելու ստորագրությամբ։ Մանվել Գրիգորյանի ազատման միջնորդության նախաձեռնողը դատախազությունն էր՝ նախկին պատգամավորի առողջական վիճակի կտրուկ վատթարացման հետ կապված։ Մանվել Գրիգորյանը մինչ այդ  տեղափոխվել էր «Նաիրի» ԲԿ։ Նրա վիճակը գնահատվում է չափազանց ծանր:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԱՄՆ պատժամիջոցները խախտելու մեղադրանքով ԳԴՀ-ում կալանավորված իրանցին վերադարձել է տուն
Իրանի ԱԳՆ պաշտոնական ներկայացուցիչ Աբաս Մուսավին հայտնել է, որ․․․
Ոստիկանները բերման ենթարկվածի խուզարկությամբ լիրիկայի 100 դեղահաբ են հայտնաբերել
Մասնագիտացված ստորաբաժանման ծառայողները ստացված տեղեկությունների իսկությունը ստուգելուց հետո, համագործակցելով ոստիկանության Էրեբունու բաժնի…
Փետրվարի 10-ից 16-ը հայտնաբերվել է ոչ սթափ 102 վարորդ
Նույն ժամանակահատվածում մարզերում ուժեղացված ծառայություն են իրականացրել ճանապարհային ոստիկանության երկրորդ սպայական գումարտակի…
Մեծամորի տներից մեկում 64-ամյա տղամարդու դի է հայտնաբերվել
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ…
28-ամյա աղջկա ծրարում թմրամիջոց է հայտնաբերվել․ նա կալանավորված է․ ոստիկանության բացահայտումը
Փետրվարի 14-ին քրեական ոստիկանության գլխավոր վարչության թմրամիջոցների անօրինական շրջանառության դեմ պայքարի վարչության ծառայողները...
Վրաերթի ենթարկված տղամարդկանցից մեկը մահացել է
Փետրվարի 16-ին, ժամը 01.00-ին, Երեւանի Պարոնյան փողոցում «Տոյոտա» մակնիշի ավտոմեքենայի վարորդը…