Apple ընկերությունը մտադիր է սկսել խնայողական iPhone-ի հավաքումը փետրվարին, տեղեկացնում է Bloomberg-ը՝ հղում կատարելով իր աղբյուրին։ Նոր հեռախոսը նախատեսում են ներկայացնել մարտին, տեղեկացնում է ՌԻԱ «Նովոստի»-ն։

Նշվում է, որ դա կլինի ընկերության առաջին խնայողական հեռախոսը iPhone SE-ից հետո։ Արտաքնապես այն նման կլինի 4,7 մատնաչափ տրամագիծ ունեցող էկրանով iPhone 8-ին։ Ակնկալվում է, որ Touch ID գործառույթը կներկառուցվի «Տանը» կոճակով, բայց Face ID կենսաչափական նույնականացումը չի լինի։

Բացի այդ, նոր հեռախոսը կունենա նույն պրոցեսորը, ինչ եւ առաջատար iPhone 11-ը։

Bloomberg-ի աղբյուրի տվյալներով՝ Apple-ը նախատեսում է նոր iPhone-ի օգնությամբ ընդլայնել իր ներկայությունը բջջային սարքերի շուկայում։