Պարագվայի նախագահ Մարիո Աբդա Բենիտեսը վարակվել է դենգե տենդով: Այս մասին ABC հեռուստաալիքի եթերում հայտնել է երկրի առողջապահության նախարար Խուլիո Մասսոլենին, հաղորդում է ՌԻԱ Նովոստին:
Նախագահի ինքնազգացողությունը վատացել է, ջերմությունը բարձրացել է մինչեւ 38,5 աստիճան, եղել են նաեւ այլ ախտանիշներ, որոնք վկայել են դենգե տենդի մասին, որն այժմ տարածված է Պարագվայում:
«Ինչ վերաբերում է նախագահի առողջությանը, ապա նա լավ վիճակում է գտնվում, մենք ունենք անալիզների պատասխանները, որոնք պնդում են, որ նախագահը հիվանդ է տենգեով»,- ասել է Մասսոլենին:
Նա հավելել է, որ պետության ղեկավարը կշարունակի աշխատել ոչ մեծ սահմանափակումներով:
Պարագվայում այս տարի գրանցվել է դենգեով վարակման 94 դեպք, մահվան 2 դեպք:
Դենգե տենդը վտանգավոր վիրուսային հիվանդությունը: Վիրուսը տարածում են հատուկ մոծակները, որոնք կոչվում են Aedes Aegypti: Դրանք հիմնականում բնակվում են արեւադարձային եւ մերձարեւադարձային կլիմա ունեցող երկրներում: Հիվանդության ախտանիշներից են բարձր ջերմությունը, սրտխառնոցը, ցանը, գլխացավերն ու հոդացավերը: