«Վերին Լարս» անցակետում Հայաստանի ներկայացուցիչը այս տարվա փետրվարին աշխատանքի կանցնի։ Այս մասին հունվարի 22-ին ՀՀ ԱԺ նիստի ժամանակ հայտարարեց Պետական եկամուտների կոմիտեի ղեկավար Դավիթ Անանյանը՝ պատասխանելով «Բարգավաճ Հայաստան» կուսակցության պատգամավոր Միքայել Մելքումյանի հարցին։
Նրա խոսքերով՝ ներկայացուցչի թեկնածությունը, որը առաջադրվել է Ռուսաստանում Հայաստանի դեսպանության կողմից, հավանության է արժանացել։
«Որոշման նախագիծն արդեն կա, այն գտնվում է կառավարությունում եւ առաջիկա օրերին կքննարկվի։ Կա մաքսային կցորդի պաշտոնի թեկնածու, ամեն ինչ արդեն համաձայնեցված է»,- հայտնել է Անանյանը՝ չնշելով ապագա ներկայացուցչի անունը։