Ցյուրիխում Համաշխարհային տնտեսական համաժողովի (ՀՏՀ) հակառակորդները բախումների մեջ են մտել ոստիկանության հետ, ինչից հետո իրավապահները արցունքաբեր գազ, ջրնետ մեքենաներ եւ ռետինե փամփուշտներ են կիրառել։ Այս մասին տեղեկացրել է շվեյցարական ոստիկանությունը։ Նրա տվյալներով՝ արմատական տրամադրված ցուցարարները այրվող շշեր են նետել ոստիկանների վրա, տեղեկացնում է «Նեմեցկայա վոլնա»-ն։
Երեք մարդ կալանավորվել է։ Անցորդներից մեկն այրվածքներ է ստացել, բացի այդ, վիրավորվել է մեկ ոստիկան, երկուսը տեղափոխվել է հիվանդանոց։ Անկարգությունները տեղի են ունեցել իշխանությունների հետ համաձայնեցված «Ցյուրիխն ընդդեմ ՀՏՀ-ի» ակցիայի ընթացքում, որին մասնակցել է մի քանի հարյուր մարդ։
Դավոսի ամենամյա համաժողովը տեղի է ունենում հունվարի 21-24-ը։ Նրա կազմակերպիչները տեղեկացրել են 117 երկրներից 3000 պաշտոնական մասնակցի մասին։ Հրավիրված հյուրերի թվում են ԱՄՆ նախագահ Դոնալդ Թրամփը, Գերմանիայի կանցլեր Անգելա Մերկելը, Ուկրաինայի նախագահ Վլադիմիր Զելենսկին եւ էկոակտիվիստ Գրետա Տունբերգը։