Ժամը 14։ 43-ին քաղաքացիներից ահազանգ է ստացվել, որ «Էրեբունի պլազայում» զինված անձ կա: Այս մասին քիչ առաջ լրագրողների հետ ճեպազրույցում ասել է ոստիկանության լրատվական վարչության պետ Աշոտ Ահարոնյանը՝ անդրադառնալով «Էրեբունի Պլազայում» հնչած կրակոցներին։
«Դեպքի վայր են ժամանել տարբեր իրավապահ կառույցների ներկայացուցիչներ, ոստիկանության տարբեր ստորաբաժանումների ծառայողներ, ոստիկանությանղ եկավար կազմը: Համապատասխան գործողություններ են իրականացվում այս պահին:
Բոլոր հանգամանքները ստուգվում են: Ըստ նախնական տեղեկությունների տուժածներ չկան: Բոլոր հանգամանքները կստուգվեն»,-ասել է նա:
Նշենք, որ դեպքի վայրում են Կարմիր բերետավորներ, հատուկջոկատայիններ: Հյուրանոցի շենքում գտնվողն TV5-ի գրասենյակում եւս ոստիկաններ են:
Ավելի վաղ NEWS.am-ը հայտնել էր, որ «Էրեբունի պլազա»-ի ներսում կրակոցներ են հնչել։
Դեպքի վայրում է նաև ՀՀ ոստիկանության պետի պաշտոնակատար Արման Սարգսյանը։
«Էրեբունի պլազա»-ի ներսում կրակոցներ են հնչել (ուղիղ, ֆոտո)
