Այն, թե ինչպես Եվրոպան կհաղթահարի Կլիմայի հարցով Փարիզյան համաձայնագրի պարտավորությունների իրականացումը, կարող է մայրցամաքի գոյատեւման հարց դառնալ: Այս մասին հայտարարել է Գերմանիայի կանցլեր Անգելա Մերկելը, հաղորդում է Bloomberg-ը:
Նրա խոսքով՝ 2020 թվականին եւ առաջիկա տարիներին Եվրոպան կբախվի «գործողությունների տասնամյակի» հետ:
Մերկելը նշել է, որ համաշխարհային առաջնորդները պետք է լսեն երիտասարդներին, որոնք արշավներ են անցկացնում գլոբալ տաքացման դեմ ավելի կոշտ քաղաքականության համար:
Գերմանիան, որը Եվրոպայում ջերմոցային գազերի արտանետման խոշոր աղբյուր է համարվում, նպատակ ունի նվազեցնել այդ արտանետումները 40 տոկոսով արդեն այս տարի:
