Մեծ Բրիտանիայի թագուհի Եղիսաբեթ II-ը պաշտոնապես համաձայնություն է տվել Եվրամիության կազմից Մեծ Բրիտանիայի դուրսբերմանը:
Թագուհու կողմից բրեքզիթի մասին օրենքի պաշտոնական հաստատումը երկրին թույլ է տալիս «հրաժեշտ տալ» իր մերձավոր հարեւաններին եւ առեւտրային գործընկերներին մի քանի տարի շարունակվող տարաձայնություններից հետո:
Ակնկալվում է, որ վաղը Բրյուսելում ԵՄ 2 բարձրաստիճան պաշտոնյաներ կստորագրեն բրեքզիթի մասին համաձայնագիրը, իսկ վարչապետ Բորիս Ջոնսոնը այն կստորագրի մոտ օրերս:
Սկզբնապես Մեծ Բրիտանիան պետք է դուրս գար ԵՄ կազմից 2019 թվականի մարտին, սակայն գործընթացը ձգձգվեց խորհրդարանի եւ կառավարության միջեւ դուրսբերման պայմանների շուրջ անհամաձայնությունների պատճառով:
2019-ի դեկտեմբերին Ջոնսոնի Պահպանողական կուսակցությունը հաղթանակ տարավ խորհրդարանական ընտրություններում:
Հունվարի 9-ին Համայնքների պալատը հավանություն տվեց բրեքզիթի մասին օրինագծին, ապա փաստաթուղթն ուղարկեց Լորդերի պալատ:
