Ճիշտ ձեւավորել նոր աշխատակիցներից կազմված անձնակազմը, մոտիվացնել եւ զարգացնել նրանց՝ կազմակերպության ռազմավարական նպատակներին հասնելու համար. սա է ՀԱՅԲԻԶՆԵՍԲԱՆԿԻ առջեւ դրված գլխավոր նպատակներից մեկը:
Օրերս Բանկի թիմն արդյունավետ եւ դրական հույզերով լի օր անցկացրեց Վանաձոր քաղաքում, որտեղ կազմակերպվել էր հանդիպում ՀԱՅԲԻԶՆԵՍԲԱՆԿԻ 9 մասնաճյուղերի նոր աշխատակիցների հետ:
Հանդիպման նպատակը կորպորատիվ մշակույթ ձեւավորելն էր, որպեսզի յուրաքանչյուր աշխատող իրեն զգա թիմի մի մասնիկը, հասկանա աշխատանքի իր դիրքից բխող պատասխանատվությունը, տիրապետի Բանկի առաքելության, զարգացման եւ տեսլականի մասին տեղեկատվությանը, կիսի բրենդի արժեքները:
«Դուք գալիս եք ստեղծելու ՀԱՅԲԻԶՆԵՍԲԱՆԿԻ նոր ապագան՝ մեր հաճախորդների եւ ինքներդ ձեր համար»,-նորեկներին իր խոսքն ուղղեց «ՀԱՅԲԻԶՆԵՍԲԱՆԿ» ՓԲԸ Վարչության նախագահի տեղակալ Ալյոնա Ստրատանը:
Նոր աշխատակիցներին ներկայացվեցին ՀԱՅԲԻԶՆԵՍԲԱՆԿԻ ռազմավարական ուղղությունները, խոսվեց այն մասին, թե ինչպես արդարացնել հաճախորդների սպասումները, ինչպես է ձեւավորվում փոխգործակցությունը Բանկի գլխամասի եւ մասնաճյուղերի միջեւ:
Լսվեցին նաեւ նրանց կարծիքները՝ աշխատանքային նոր միջավայրում հարմարվելու, հնարավոր խնդիրների հետ բախվելու, մյուս մասնաճյուղերի աշխատակիցների հետ հարաբերվելու վերաբերյալ:
Հետաքրքիր եւ արդյունավետ զրույցի արդյունքում մասնակիցները եկան այն եզրակցության, որ նման հանդիպումները հնարավորություն են տալիս միմյանց ավելի շատ վստահել եւ դա շատ է օգնում նոր բարձունքներ նվաճելիս:
ՀԱՅԲԻԶՆԵՍԲԱՆԿԸ կարեւորելով Հայաստանի բանկային շուկայում երիտասարդ, տաղանդավոր եւ աշխատասեր անձնակազմի առկայությունը` շարունակելու է սկսնակների համար իրականացնել մասնագիտական ոլորտում նոր հորիզոններ բացահայտելու քաղաքականությունը:
ՀԱՅԲԻԶՆԵՍԲԱՆԿ, ապագայի հուսալի ճանապարհ…
