ՀՀ ՊՆ Կենտրոնական կլինիկական հոսպիտալում վերանորոգման մասշտաբային աշխատանքներ են ընթանում: Այս մասին մամուլի ասուլիսի ժամանակ հայտնեց հոսպիտալի պետ, գնդապետ Վահան Գեւորգյանը:
Նա կարճ ներկայացրեց զինվորական բժշկական ծառայության ստեղծման պատմությունն ու բուժհաստատության աշխատանքը: Նրա խոսքով՝ հոսպիտալում տեխնիկական միջոցները թարմացվում են, վերանորոգվում են բաժանմունքները: «Այս պահին հոսպիտալում աննախադեպ վերանորոգում է ընթանում»,- նշեց Գեւորգյանը:
Նա հայտնեց, որ հոսպիտալում կան օպերատիվ արձագանքման խմբեր, ռեանիմոբիլներ եւ ուղղաթիռ: «Անհրաժեշտության դեպքում ուղղաթիռը պացիենտին կհասցնի Հայաստանի ցանկացած շրջանից»,- նշեց հոսպիտալի պետը: