News
Լրահոս
News
Ուրբաթ
Փետրվար 21
USD
478.37
EUR
516.69
RUB
7.5
ME-USD
0.05
Տեսնել լրահոսը


ՍԴ նախագահ Հրայր Թովմասյանի բնակարանի խուզարկության որոշումը դատարանը ապօրինի կայացրել։ Այս մասին այսօր՝ հունվարի 24-ին, լրագրողների հետ զրույցում ասաց իրավապաշտպան Ռուբեն Մելիքյանը։

«Անընդունելի եւ ապօրինի եմ համարում։ Կարծում եմ՝ նաեւ ժամանակին կոնկրետ այս գործողությանը կտրվի նաեւ քրեաիրավական գնահատական։ Ցանկացածը կարող է հեշտությամբ ասել, որ այստեղ կա հարուցված քրեական գործ, այն բոլոր դեպքերում, երբ ասում են՝ կա հարուցված քրեական գործ բոլոր քննչական գործողություններն ու սահմանափակումները տվյալ դեպքում բնակարանի անձեռնմխելիությունը եւ այլն, դրանք նույնպես պետք է իրավաչափ լինեն։ Դատարանի որոշմանը, վստահ եմ, որ կտրվի քրեաիրավական գնահատական»,- ասաց իրավապաշտպանը։

Ռուբեն Մելիքյան նշեց երեք պատճառ, թե ինչու չպետք է իրականացվեր այս գործողությունը.

«Առաջինը քրեադատավարական տեսանկյունից. եթե խոսքը վերաբերեր այնպիսի ենթադրյալ հանցագործությանը, որտեղ ողջամտորեն կարելի էր ենթադրել, որ բնակարանում կարող էր ինչ-որ բան տեղի ունենալ, ապա կարող էր քննարկվել։

Երկրորդը, տեսեք քանի օր է անցել այս ամբողջ պատմությունից, քննչական տակտիկայի տեսանկյունից՝ արդյոք տրամաբանակա՞ն է, որ ինչ-որ բան կարող էր բնակարանում հայտնաբերվեր։

Երրորդն էլ այն է, որ մենք գործ ունենք ՍԴ գործող նախագահի հետ եւ գործ ունենք իրավիճակի հետ, որ դատարանը թույլտվություն է տվել՝ կատարելու այս գործողությունը, հնարավոր է, որ մեկ այլ դատարան մերժել է»։

Ըստ իրավապաշտպանի՝ գործի արդեն հայտնի տեղեկությունները բավարար են ասելու, որ սա քաղաքական հետապնդման շարունակություն է.

«Կոնկրետ այս քննչական գործողությունը վախեցնելու շարժառիթ ունի։ Եթե իսկապես եղել է փորձ ստանալու դատարանի որոշում՝ խուզարկություն իրականացնելուի վերաբերյալ եւ այն մերժվել է, սա երկրորդ փորձն է, ապա սա ավելի է լրջացնում իրավիճակը։ Ստացվում է, որ որեւէ մեկս պաշտպանված չենք եւ, եթե ինչ որ դատավոր իսկապես փորձի մարդու իրավունքների տեսանկյունից կայացնել որոշում եւ թույլտվություն չտալ, օրինակ՝ իրականացնելու բնակարանի խուզարկություն, ապա ցանկացած հաջորդ օրը կարող է դա մեկ այլ դատավորի մակագրվել եւ նա այդ թույլտվությունը տա։ Մեր պետությունն ընդարձակում է մարդու իրավունքների սահմանափակման հնարավորությունը՝ ոստիկանությանը վերապահելով այդ լիազորությունները»։

Ավելի վաղ հայտնել էինք, որ այսօր վաղ առավոտից ՀՔԾ քննիչները Հրայր Թովմասյանի բնակարանում խուզարկություն էին իրականացնում։ Խուզարկությունից հետո լրագրողների հետ զրույցում Թովմասյանի պաշտպան Ամրամ Մակինյանն ասաց, որ խուզարկության արդյունքում ՍԴ նախագահի բնակարանում ոչինչ չի հայտնաբերվել։

Հիշեցնենք, որ ՀՀ ՍԴ նախագահ Հրայր Թովմասյանին մեղադրանք է առաջադրվել 2019 թվականի դեկտեմբերի 27-ին՝ ՀՀ քրեական օրենսգրքի 308-րդ հոդվածի 2-րդ մասի հատկանիշներով՝ պաշտոնեական լիազորությունները չարաշահելու համար։ Նրան որպես մեղադրյալ ներգրավելու որոշումը կայացրել էր ՀՀ գլխավոր դատախազը՝ դեկտեմբերի 26-ին, նույն օրը, երբ ՀՀ նախագահ Արմեն Սարգսյանը ստորագրեց Սահմանադրական դատարանի դատավորներին վաղաժամ թոշակի գնալու հնարավորություն տալու մասին օրենքը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Թբիլիսյան խճուղում «Գոշ» գազալցակայանի մոտ «Opel Astra F»-ն ամբողջությամբ այրվել է
Դեպքի վայր է մեկնել ԱԻՆ ՓԾ Երեւան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ...
Խոշոր հրդեհ Սարչապետ գյուղում. վագոն-տնակն ամբողջությամբ այրվել է. ներսում եղել է 300 կգ աղացած գարի, 500 կգ հացահատիկ
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ...
Կապանում բախվել են «Nissan Bluebird»-ը եւ «Hyundai»-ն. ուղեւորը մահացել է. կան վիրավորներ
Փրկարարները հոսանքազրկել են ավտոմեքենան եւ փակել գազի բալոնի փականը...
Սարի Թաղ թաղամասում փլուզվել է տան արտաքին պատը եւ փակել մուտքը. դեպքի վայր է մեկնել մեկ մարտական հաշվարկ
Հայաստանի ԱԻՆ-ում, փետրվարի 20-ին, ժամը 14:50-ին Ճգնաժամային կառավարման ազգային կենտրոն ահազանգ է ստացվել, որ…
Ապօրինի փայտանյութը քողարկել էր թեփի պարկերով․Դիլիջանի ոստիկանների բացահայտումը
Մեքենան, փայտանյութով հանդերձ, տեղափոխվել է բաժնի հատուկ պահպանվող տարածք...
Երևանի բնակարաններից մեկում դի է հայտնաբերվել
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ․․․