News
Լրահոս
News
Կիրակի
Փետրվար 23
USD
478.35
EUR
517.05
RUB
7.43
ME-USD
0.05
Տեսնել լրահոսը

2020 թ. հունվարի 24-ի նիստում ԿԲ խորհուրդը որոշեց անփոփոխ թողնել վերաֆինանսավորման տոկոսադրույքը՝ 5.5%:

ԿԲ-ից NEWS.am-ին հայտնում են, որ 2019 թ. դեկտեմբերին գրանցվել է 1.3% գնաճ՝ նախորդ տարվա նույն ժամանակահատվածի 1.5%-ի դիմաց, ինչի արդյունքում տարին ամփոփվել է 12-ամսյա գնաճի 0.7% մակարդակով։

Պայմանավորված արտաքին հատվածում տնտեսական անորոշությունների նվազմամբ եւ առանձին հումքային եւ պարենային ապրանքների առաջարկի գործոններով, միջազգային շուկաներում արձանագրվել է գների որոշակի աճ։

Այնուամենայնիվ, համաշխարհային տնտեսության աճի տեմպերը դեռեւս համեմատաբար ցածր են, ինչին համապատասխան թույլ է մնում նաեւ համաշխարհային պահանջարկը: Ընդհանուր առմամբ ԿԲ խորհուրդը արտաքին հատվածից գնաճային միջավայրի վրա էական ազդեցություններ չի ակնկալում:

Խորհուրդն արձանագրում է, որ չորրորդ եռամսյակում եւս գրանցվել է բավականին բարձր տնտեսական ակտիվություն, որի ներքո տնտեսական աճի տարեկան գնահատականները կգերազանցեն նախկին սպասումները։

Ներքին պահանջարկի աճը նույնպես գնահատվում է բարձր՝ հիմնականում մասնավոր սպառման աճի պատճառով, ինչին շարունակում է նպաստել խթանող դրամավարկային քաղաքականությունը։ 2019 թ-ի չորրորդ եռամսյակում հարկաբյուջետային քաղաքականությունը գնահատվում է խթանող եւ ակնկալվում է, որ այն կպահպանվի նաեւ այս տարվա ընթացքում, իսկ չափը մեծապես կախված կլինի իրականացվող հարկաբյուջետային քաղաքականության ընթացքից։

Հաշվի առնելով արտաքին եւ ՀՀ տնտեսությունների վերոնշյալ փաստացի զարգացումները եւ հարկաբյուջետային քաղաքականության սպասվող խթանող ազդեցությունը, ինչպես նաեւ շարունակելով նախապատվություն տալ գնաճի աստիճանական վերականգնմանը, ԿԲ խորհուրդը նպատակահարմար է գտնում պահպանել դրամավարկային պայմանների խթանման ներկա չափը՝ անփոփոխ թողնելով վերաֆինանսավորման տոկոսադրույքը:

Խորհուրդը նաեւ գտնում է, որ կանխատեսվող մակրոտնտեսական զարգացումների պարագայում անհրաժեշտ կլինի դեռեւս պահպանել խթանող դիրքը, որի արդյունքում ակնկալվում է, որ գնաճն առաջիկա ամիսներին կպահպանվի նպատակային ցուցանիշից ցածր մակարդակում՝ աստիճանաբար վերադառնալով նպատակային ցուցանիշին միջինժամկետ հատվածում:

Նշենք, որ ներկայումս առկա են գնաճի կանխատեսված հետագծից շեղման երկկողմանի ռիսկեր, որոնց դրսեւորման դեպքում Կենտրոնական բանկը պատրաստ է համապատասխանորեն արձագանքել՝ ապահովելով գների կայունությունը միջնաժամկետ հատվածում։

Տոկոսադրույքի մակարդակի որոշման հիմքում ընկած մանրամասն տեղեկատվությանը կարող եք ծանոթանալ 2020 թ. փետրվարի 10-ին հրապարակվելիք Մամլո հաղորդագրությունում (Տոկոսադրույքի արձանագրություն):

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Կեղծ մրցույթ են հայտարարում, հետո իրենց աչքադրած մարդու հետ պայմանագիր կնքում. Պետք է վերացնել սա». Սերգեյ Բագրատյան
Այս արատավոր պրակտիկան պետք է վերացնենք...
Դոլարի փոխարժեքը կայուն է. եվրոն թանկացել է
Թանկարժեք մետաղների համար բանկի կողմից սահմանվել են հետեւյալ գները...
Բնապահպանության տեսչական մարմինը 2019-ին իրավապահներին է ուղարկել 820 նյութ. շրջակա միջավայրին վնասը՝ 1.485 մլրդ դրամ
Բնապահպանության եւ ընդերքի տեսչական մարմնի կողմից 2019 թվականի ընթացքում իրականացված աշխատանքների արդյունքները
Այո, 50 եվրոյով Հռոմ գնալը աշխարհընկալումը փոխելու, լավը վերցնելու հնարավորություն է. Ատոմ Ջանջուղազյան
Եթե խոսվում է գնումների վերաբերյալ օրենսդրությունն ամբողջությամբ փոխելու մասին, ապա պետք է սեղանին դրվի այն առաջարկների փաթեթը...
Հայաստանում պետական գնումների համակարգն անհրաժեշտ է համապատասխանեցնել ժամանակի պահանջներին. ֆիննախ
Նրա խոսքով՝ օրենսդրական կարգավորումների տեսանկյունից խնդիրներ չեն առաջանա...
Սա թող հաղորդում լինի դատախազության համար, այս ահավոր հանցագործության համար, չպե՞տք է պատժվեն. Նախկին վարչապետ
Հետ են գնացել, 1990 թվականի մակարդակը իջեցրել են: պակաս են գրել, որ տեղ ունենան խաբելու...