Ուրբաթ ԱՄՆ-ի նախագահ Դոնալդ Թրամփը հրաման է ստորագրել, որով 25 տոկոսով ավելացնում է պողպատե իրերի, ինչպես նաեւ 10 տոկոսով ալյումինե իրերի մաքսատուրքերը: Փաստաթղթի տեքստը տարածել է Սպիտակ տան մամուլի ծառայությունը, հաղորդում է ՏԱՍՍ-ը:
«Այդ մաքսատուրքերն ավելացել են արդեն գոյություն ունեցող տուրքերին եւ այլ վճարներին, որոնք կիրառվում են ներկրված ալյումինից եւ պողպատից ապրանքների դեպքում»,-ասվում է հրամանում:
Ընդ որում՝ պողպատե արտադրանքի նկատմամբ բացառություն է արվել Ավստրալիայից, Արգենտինայից, Բրազիլիայից, Կանադայից, Մեքսիկայից եւ Կորեայի Հանրապետությունից արտադրանքի համար, իսկ ալյումինի նկատմամբ՝ միայն Ավստրալիայի, Արգենտինայի, Կանադայի եւ Մեքսիկայի համար:
Թրամփի խոսքով՝ մաքսերի սահմանումը համապատասխանում է ազգային անվտանգություն ապահովելու ԱՄՆ-ի շահերին: Նոր կանոններն ուժի մեջ կմտնեն 2020 թվականի փետրվարի 8-ին:
