News
Լրահոս
News
Չորեքշաբթի
Փետրվար 19
USD
478.95
EUR
518.37
RUB
7.51
ME-USD
0.05
Տեսնել լրահոսը

Արցախը Մայր Հայրենիքին կապող հաջորդ կարեւոր երակը կլինի Խնձորեսկ-Մեխակավան-Հադրութ մայրուղու կապիտալ կառուցումը: Այս մասին Քաշաթաղի շրջանի Որոտան քաղաքում նախօրեին հայտարարել է Արցախի Հանրապետության նախագահի թեկնածու, «Ազատ հայրենիք» կուսակցության ղեկավար Արայիկ Հարությունյանը՝ ավելացնելով, որ վերաբնակեցման ուղղությամբ եւս շրջադարձային փոփոխություններ են սպասվում:

«Հարգելի՛ հայրենակիցներ

Արցախը Մայր Հայրենիքին կապող հաջորդ կարեւոր երակը պետք է լինի Խնձորեսկ-Մեխակավան-Հադրութ մայրուղու կապիտալ կառուցումն ու ասֆալտապատումը: Դա մեր քաղաքական թիմի տեսլականն է՝ հանրապետության հարավային թեւի զարգացման հետ կապված: Օրեր առաջ Քաշաթաղի շրջանի Որոտան քաղաքում կուսակցական ակտիվի հետ հանդիպմանը հայտարարել եմ, որ սպասվող համապետական ընտրություններում հաջողության հասնելու պարագայում դա կդառնա մեր առաջնահերթ ծրագրերից մեկը:

Վարդենիս-Մարտակերտ մայրուղու օրինակով համոզվեցինք, որ շատ կարճ ժամանակում այն էականորեն փոխեց տարածաշրջանի բնակավայրերի զարգացման ընթացքը: Արցախի հարավային թեւը եւս ունի չիրացված տնտեսական հսկայական պոտենցիալ, որի օգտագործման համար բարեկարգ ճանապարհը կարեւորագույն դերակատարում է ունենալու:

Հանդիպման ընթացքում հայտարարել եմ, որ վերաբնակեցման ուղղությամբ եւս շրջադարձային փոփոխություններ են սպասվում: Մեր նպատակն է բնական աճի եւ հայրենադարձության ծրագրերի վերանայման արդյունքում մինչեւ 2030թ.-ը Արցախում բնակչության թիվը 150 հազարից հասցնել 200 հազարի: Համոզված եմ, որ այն իրատեսական է եւ հաջողությամբ կպսակվի:

Ոգեւորված եմ, որ մեր հավակնոտ ծրագրերին ոչ պակաս համարձակությամբ իրենց գործուն աջակցությունն են հայտնել Որոտանի ենթաշրջանից «Ազատ հայրենիք»-ի շարքերն այդ օրը համալրած ավելի քան 100 մեր հայրենակիցներ:

Շարունակե՛նք նախաձեռնածը՝ կերտե՛նք հզոր ու միասնական Հայրենիք»,- գրել է Ա. Հարությունյանը:

Տպել
Կարդացեք նաև
Ամբողջը
Ղարաբաղի ապագա նախագահը կկարողանա փոխգործակցել ՀՀ վարչապետի հետ. քաղաքագետ
«Հայաստանում հեղափոխությունից հետո էլիտաների կտրուկ եւ, առավել եւս, արմատական փոփոխություն տեղի չունեցավ, ինչը դրականորեն կազդի ԼՂՀ քաղաքական համակարգի վրա...
Բակո Սահակյանը Հակոբ Արշակյանի հետ քննարկել է Արցախում գիտատար ոլորտների զարգացման հարցը
Արցախի Հանրապետության նախագահ Բակո Սահակյանը փետրվարի 18-ին ընդունել է ՀՀ բարձր տեխնոլոգիական արդյունաբերության նախարար Հակոբ Արշակյանին...
ՀՅԴ-ն ներկայացրել է Արցախի խորհրդարանական ընտրություններում իրենց կուսակցության ցուցակը
Ցուցակը բաղկացած է 33 թեկնածուից…
Վիտալի Բալասանյան. «Մյունխենում տեղի ունեցածը խիստ անհանգստացնող է. Ալիևը չպետք է այդքան լկտիանար»
Այս ընտրություններն աննախադեպ են մի քանի առումներով։ Գրանցվել է 14 թեկնածու, ինչը փոքրիկ Արցախի համար մեծ թիվ է...
Արցախի պառլամենտականների ասոցիացիան կազմակերպել է Ղարաբաղյան ազատագրական շարժման 32-րդ ամյակին նվիրված հանդիպում
Ասոցիացիայի անդամները, ովքեր նաև Արցախյան ազատագրական շարժման…
Արայիկ Հարությունյանն առաջադրվել է որպես Արցախի նախագահի թեկնածու
Թող արցախցի ընտրողի վստահության քվեով հիմք դրվի հայրենիքի հետագա զարգացման ու զորացման նոր էջերին…