Համակարգչային բազմակիրառելի EVE Online խաղում կնքվել է տիզերաթիռի 40 000 դոլարով վաճառքի գործարք, հայտնում է Kotaku-ն։
Տիեզերաթիռը կոչվում է Gold Magnate։ Այն խաղում ամենահազվադեպ հանդիպողներից է, մշակողները նման մրցանակներ նշանակալի ձեռքբերումների, այդ թվում տարբեր մրցաշարերում հաղթանակների համար են շնորհել։ Տարբեր տվյալներով՝ նախագծի ամբողջ պատմության ընթացքում դրնցից ընդամենը հինգն է տրվել, սակայն մինչ այժմ պահպանվել է միայն երկու օրինակ, մնացածը ոչնչացվել են։
Հազվագյուտ լոտը վաճառքի է հանվել Kelon Darklight անունով խաղացողի կողմից, իսկ թանկարժեք ձեռքբերումն իրականացրել է YouTube-բլոգեր Սքոթ Մենլին։ Վաճառողի հավաստիացումներով՝ ստացված միջոցները նա պատրաստվում է փոխանցել «Կարմիր խաչ» կազմակերպությանը՝ Ավստրալիայի հրդեհներից տուժածների համար։
Մշակողներն, իրենց հերթին, խոստանում են հետեւել, որպեսզի միջոցները հասցեատիրոջը փոխանցվեն։