News
Լրահոս
News
Հինգշաբթի
Փետրվար 20
USD
478.63
EUR
517.06
RUB
7.53
ME-USD
0.05
Տեսնել լրահոսը

Կանանց մոտ տարածական մտածողությունն ամենեւին պակաս չէ զարգացած, քան տղամարդկանց մոտ: Լիմերիկի համալսարանի (Իռլանդիա) հետազոտողներին հաջողվել է հերքել կանանց «տարածական կրետինիզմի» մասին առասպելը, փոխանցում է Planet- today-ը:

Իռլանդացի գիտնականները հրապարակել են իրենց գիտական աշխատանքի արդյունքները եւ վերջակետ դրել վեճին, որը տեւել է 4 տասնյակ տարի: Այս ընթացքում գիտնականների մի մասը կարծում էր, որ տղամարդկանց ուղեղը ֆիզիոլոգիայով պայմանավորված առավելություններ ունի տարածական մտածողության մեջ, որոնք դրսեւորվում են ըստ քարտեզի իբր ավելի լավ կողմնորոշվելով:

Բացի տարածքում կողմնորոշվելուց, տարածական մտածողությանն է դասվում մտքում 2D եւ 3D պատկերներ պտտելու ունակությունը: Նախկինում կարծիք կար, որ այդպիսի խնդիրներում տղամարդիկ ակնհայտ առավելություն ունեն. այս առասպելի տարածմանը նպաստել են Ժաքլին Մեցլերը եւ Ռոջեր Շեփարդը, որոնք անցյալ դարի 70-ական թվականներին տարածական մտածողության ստուգման թեստեր են մշակել:

Նոր փորձը ցույց է տվել, որ տղամարդիկ եւ կանայք թեստը լուծում են միատեսակ արդյունավետությամբ: Սակայն սեռերի միջեւ որոշ տարբերություն, այնուամենայնիվ, կա. մեթոդները, որոնցով տղամադիկ եւ կանայք լուծում են տարածական մտածողության հետ կապված խնդիրները, տարբերվում են: Բայց այս տարբերությունը նշանակություն չունի, քանի որ արդյունքը (համենայնդեպս, մտովի պտտելու թեստերի) նույնական է ստացվում:

!
Այս նյութը հասանելի է նաև   Русский
Տպել
Ֆոտոռեպորտաժներ