Հայաստանի ԱԻՆ-ում, այսօր՝ հունվարի 29-ին, ժամը 02:26-ին 911 ահազանգման կենտրոն ահազանգ է ստացվել, որ Երեւանի Սարալանջի պողոտայում՝ «Մայր Հայաստան» հուշահամալիրի մոտակայքում, տեղի է ունեցել ՃՏՊ. ավտոմեքենան կողաշրջվել է, կա տուժած: Այս մասին հայտնում են ԱԻՆ-ից:
Դեպքի վայր են մեկնել ԱԻՆ ՓԾ Երեւան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ եւ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական ջոկատը:
Պարզվել է, որ «Nissan Quest» մակնիշի ավտոմեքենան բախվել է ճամփեզրի արտաքին լուսավորության սյանը եւ շրջվել. տուժածներ չկան:
Փրկարարները հոսանքազրկել են ավտոմեքենան: