News
Լրահոս
News
Ուրբաթ
Մարտ 29
Տեսնել լրահոսը

Ադրբեջանի իշխանությունները պարտավոր են անհապաղ դադարեցնել լրագրողների հանդեպ բռնությունները, ապահովել խոսքի եւ ԶԼՄ-ների ազատությունը, իրական քայլեր նախաձեռնել Եվրոպայի խորհրդի առջեւ ստանձնած սեփական պարտավորությունների կատարման համար մամուլի ազատության եւ անվտանգության ոլորտում։ Այս մասին ասվում է «Մեդիայի ազատության եւ լրագրողների անվտանգության սպառնալիքները Եվրոպայում» բանաձեւում, որն ընդունվել է հունարի 28-ին ԵԽԽՎ ձմեռային խորհրդաժողովում։ Բանաձեւի հեղինակը բրիտանացի պատգամավոր Ջորջ Ֆուլքեսն է։ Այս մասին տեղեկացնում է Turan-ը։

Ինչպես նշվում է զեկույցում,  պաշտոնական Բաքուն պետք է արմատապես փոխի «թշնամական միջավայրը, որը լրջորեն սահմանափակում է ԶԼՄ-ների ազատությունը»։ «Մասնավորապես, անհրաժեշտ է ամրագրել քրեական օրենսդրության օգտագործումը՝ անկախ լրագրողներին լռել ստիպելու համար, որոնց պարբերաբար սպառնում են քրեական հանցագործությունների անհիմն մեղադրանքներով եւ սարքված ապացույցներով զրկում ազատությունից; անհապաղ դիտարկել  լրագրողների եւ ԶԼՄ-ների աշխատակիցների դատապարտման բոլոր դեպքերը, ազատել բոլոր անհիմն կալանավորվածներին; ձեռնպահ մնալ լրագրողների՝ երկրից դուրս գալու արգելքից; վերջ դնել անկախ տեղեկատվական գործակալությունների դատական հետապնդումներին հարկերից խուսափելու կեղծ մեղադրանքների հիման վրա; դադարեցնել անկախ լրատվական կայքերի հասանելիությունը արգելափակելը; դադարեցնել ցանկացած վարչական եւ քաղաքական ճնշում միակ անկախ Turan լրատվական գործակալության եւ Թղթակիցների ազատության եւ անվտանգության ինստիտուտի վրա»,- նշված է զեկույցում։

Փաստաթղթի վերջում նշված է. «Ադրբեջանը ամենաթշնամական երկրներից մեկն է լրագրողների համար դատավարությունների, դատավճիռների եւ բանտարկությունների կայացման տեսակետից։ 2017 թվականից լրագրողների կամ ԶԼՄ-ների դեմ հարուցվել է 18 քրեական գործ, իսկ նրանց աշխատակիցները դատապարտվել են բանտարկության։

Մինչեւ 2019 թվականի մայիս հինգ լրագրող դեռեւս բանտում էր իր պրոֆեսիոնալ գործունեության համար։

Նրանց դատավճիռները անհիմն բարձր են, ինչպես, օրինակ, Kend.info կայքի հիմնադիր Էլչին Իսմաիլլիի գործում, որը հայտնի է կոռուպցիայի եւ մարդու իրավունքների մասին իր հրապարակումներով, նա դատապարտվել է 9 տարվա ազատազրկման։

Երեք այլ լրագրող կալանքի տակ է, նրանք են Զիա Ասադլին, Ֆիքրեթ Ֆարամազօղլուն եւ Աֆղան Մուխթարլին։ Մյուս լրագրողներին արգելում են դուրս գալ երկրից։

Միեւնույն ժամանակ, վերջին տարիներին ավելի քան 400 կառավարամետ լրագրողներ իշխանություններից անվճար բնակարան են ստացել, ինչը «կաշառքի» ակնհայտ դրսեւորում է,- ասվում է զեկույցում։ 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Արուսյակ Ջուլհակյանը միաձայն ընտրվել է ԵԽԽՎ ենթահանձնաժողովի նախագահ
ՀՀ ԱԺ «Քաղաքացիական պայմանագիր» խմբակցության պատգամավոր...
ՀՀ ՄԻՊ-ը և ԵԽ ծրագրերի համակարգման տնօրենը քննարկել են բանակում մարդու իրավունքների պաշտպանության վիճակի հարցերը
Հանդիպման ավարտին կողմերը պատրաստակամություն են հայտնել ընդլայնել փոխգործակցության ուղղությունները…
Ալիևը ԵԽ-ին սպառնացել է լքել կառույցը
Եթե մեկ տարվա ընթացքում Եվրոպայի խորհրդի խորհրդարանական վեհաժողովում (ԵԽԽՎ) ադրբեջանական...
Օղակն Ադրբեջանի կամ Ալիևի ռեժիմի շուրջ գնալով սեղմվում է. Բելգիայում ՀՀ դեսպան
Եվրամիությունից (ԵՄ) Ադրբեջանին արվող զգուշացումները, ԵԽԽՎ-ում տեղի…
ԵԽ անդամ պետությունները պետք է կանխեն լրագրողների նկատմամբ հետապնդումները. Արուսյակ Ջուլհակյանի ելույթը՝ ԵԽԽՎ-ում
Լրագրողների անվտանգությունը հավաքական պատասխանատվություն է: ԵԽ անդամ պետությունները պետք է կանխեն լրագրողների նկատմամբ...
Ամեն ինչ շատ պարզ է, հասարակ ու մեզ հետ կապ չունեցող. Արևմուտքը որոշեց պատժել ապստամբին. Դավիթ Անանյան
Որոշումն ընդունվել է վերադարձի պայմանով, իհարկե, անհույս ակնկալելով, որ Ադրբեջանը անվերապահորեն կընդունի ԵԽԽՎ չափանիշներով...
Ամենաշատ