Facebook սոցցանցի հայտարարության մեջ ասվում է, որ ընկերությունը հետեւել է իր օգտատերերի ակտիվությանը կայքերում, որտեղ նրանք օգտագործել են բիզնեսի համար Facebook-ի գործիքները:
«Facebook-ից դուրս գործողությունները ներառում են ձեր համագործակցությունը ընկերությունների եւ կազմակերպությունների հետ, որոնց մասին նրանք մեզ հայտնում են: Ընկերությունները եւ կազմակերպությունները, որոնք օգտագործում են բիզնեսի համար մեր գործիքները, կարող են իրենց կայքերում կամ հավելվածներում ձեր գործողությունների մասին տեղեկություն տրամադրել մեզ: Դա մեզ թույլ է տալիս ձեզ համար ավելի ակտուալ գովազդ ընտրել»,- ասվում է հայտարարության մեջ, հաղորդում է ՆՏՎ-ն:
Նշվում է, որ սոցցանցը վերլուծում է Facebook-ի միջոցով այդ հավելվածներ մուտք գործելիս տվյալները, կոնտենտի դիտումը, ապրանքի որոնումը, դրա ավելացումը զամբյուղում կամ դրա գնումը, ինչպես նաեւ նվիրատվությունների կատարումը:
Ընկերությունը հավելել է, որ այժմ օգտատերերը կարող են որոշել՝ ընկերությանը վերլուծության համար տեղեկություն տրամադրել, թե ոչ:
The Washington Post-ի հաղորդմամբ՝ սոցցանցը օգտատերերի անձնական կյանքի, բժշկական ընկերությունների, ապահովագրական գործակալությունների էջեր, վարկային պատմությունների բյուրո այցելելու մասին տեղեկություն է հավաքել:
