Կառավարող «Իմ քայլը» դաշինքի խորհրդարանական խմբակցությունը խնդիր է տեսնում այն բանում, որ 2015 թվականի սահմանադրական բարեփոխումներից հետո Սահմանադրական դատարանը լիարժեք չի գործում։ Այս մասին ՀՀ Ազգային ժողովի ավանդական ճեպազրույցում հունվարի 29-ին ասաց «Իմ քայլը» խորհրդարանական խմբակցության ղեկավար Լիլիթ Մակունցը։
Նրա խոսքով՝ անցումային դրույթները, որոնք պետք է սահուն անցնեին Սահմանադրության նախորդ խմբագրումից նորին, թերություններ ունեն։ «Հենց դա է, վստահության ճգնաժամի հետ միասին, Սահմանադրական դատարանի հիմնական խնդիրը»,- ասել է Մակունցը։
