News
Լրահոս
News
Ուրբաթ
Փետրվար 28
USD
478.49
EUR
523.13
RUB
7.28
ME-USD
0.04
Տեսնել լրահոսը

Կազմավորվեց «Մայիլյան - Նոր Արցախ» կուսակցությունների դաշինք։ Այս մասին ֆեյսբուքյան իր էջում գրել է Արցախի ԱԳ նախարար Մասիս Մայիլյանը։

«Ս.թ. հունվարի 29-ին Ստեփանակերտի «Եվրոպա» հյուրանոցում կայացավ արցախյան երեք քաղաքական ուժերի՝ Արցախի Ռամկավար Ազատական, «Ինքնություն և միասնություն» և «Վաղվա Արցախ» կուսակցությունների ղեկավար մարմինների համատեղ նիստը, որտեղ քննարկվեց նախընտրական դաշինքի կազմավորման հարցը։

Հիշեցնենք, որ «Ինքնություն և միասնություն» կուսակցության արտահերթ համագումարը տեղի է ունեցել հունվարի 23-ին, «Վաղվա Արցախ» կուսակցությանը՝ հունվարի 25-ին և Ռամկավար Ազատական կուսակցությանը՝ հունվարի 26-ին։ Արտահերթ համագումարներում հստակեցվել է գալիք համապետական ընտրություններին նշյալ քաղաքական ուժերի մասնակցության ձևաչափը: Համագումարներում հաստատվել են կուսակցությունների ղեկավար մարմինների որոշումները երեք կուսակցություններից կազմված նախընտրական դաշինք կազմավորելու և նախագահական ընտրություններում Մասիս Մայիլյանին սատարելու մասին։

Երեք քաղաքական ուժերի ղեկավար մարմինների համատեղ նիստը, վերահաստատելով կուսակցական համագումարների դիրքորոշումները, ձևավորեց «Մայիլյան - Նոր Արցախ» նախընտրական դաշինք, որը նախագահական ընտրություններում սատարելու է Մասիս Մայիլյանին։ Վերջինս նաև գլխավորելու է դաշինքի համամասնական ցուցակը խորհրդարանական ընտրություներում։

Համատեղ նիստում ելույթ ունեցան երեք կուսակցությունների ներկայացուցիչներ։ Նրանք կարևորեցին առաջիկա համապետական ընտրությունների դերն ու նշանակությունը երկրի ներքին ու արտաքին մարտահրավերներին դիմագրավելու համար նոր որակի իշխանության ձևավորման,

հանրային կյանքի բարելավման, մարդու և քաղաքացու իրավունքների պաշտպանության ու պետության ներսում առկա խնդիրների լուծման համար բացառապես պետական շահով առաջնորդվելու, երկրում ստեղծված իրավիճակից դուրս գալու համար անհրաժեշտ քաղաքական ու հասարակական ուժերի լայն համախմբման անհրաժեշտությունը։

Համատեղ նիստի մասնակիցներին ողջույն խոսքով դիմեց Մասիս Մայիլյանը։ Խորին երախտագիտություն հայտնելով բարձր վստահության համար՝ նա, մասնավորապես, նշեց. «Մեր այս դաշինքը հզոր խթան կհանդիսանա Արցախում արմատական բարեփոխումների ծրագրերի քննարկման և ընդունման նպատակով հանրության առողջ ուժերի լայն համախմբանն ուղղված ակտիվ ու վճռական գործունեության համար։ Վայրկյան անգամ չեմ կասկածում՝ բարեփոխումների արդյունքում մենք համատեղ ուժերով ապահովելու ենք մեր երկրի անվտանգ, բարեկեցիկ, հուսալի, արդար, քաղաքակիրթ և ժողովրդավարական ապագան, մի խոսքով՝ կերտելու ենք մեր Նոր Արցախը»։

Մ.Մայիլյանն ակնկալում է, որ դաշինքի առանցքի շուրջ սերտ համագործակցություն կլինի արցախյան հանրության ամենատարբեր շերտերի և հանրության վստահությունն ու հարգանքը վայելող անհատների ու հանրային դեմքերի հետ»,-նշել է նա։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Բակո Սահակյանի մոտ քննարկել են Արցախում կորոնավիրուսի տարածման կանխարգելման հարցը
Խորհրդակցության ընթացքում երկրի ղեկավարն անդրադարձել է նաեւ Արցախի Հանրապետության նախագահի եւ Ազգային ժողովի ընտրությունների նախընտրական քարոզարշավի մեկնարկին...
«Փոխվել են ժամանակները, հեռանկար ունենալու միակ ուղին ստվերից դուրս գալն է». Մասիս Մայիլյանը սկսել է քարոզարշավը
Քաղաքական բոլոր ուժերին եւ գործիչներին մեկ անգամ եւս կոչ եմ անում հրաժարվել նաեւ ֆեյքային պատերազմից ու զանազան մանիպուլյացիաներից…
Արցախում 232 դպրոցից 93-ի դասապրոցեսն ու բոլոր նախակրթարանների գործունեությունը դադարեցված է
Հաշվի առնելով հանրապետությունում վերին շնչառական ուղիների սուր վարակներով և գրիպով հիվանդացության որոշակի աճն ու հարևան երկրներում կորոնավիրուսով հիվանդացության դեպքերը...
Արցախի ՄԻՊ-ն իրականացնելու է ընտրական ամբողջ գործընթացի անկախ դիտարկում
Պաշտպանը պահանջում է պետական լիազոր մարմիններից հավասար ու արդար պայմաններ ապահովել ընտրական գործընթացներում ընդգրկված բոլոր...
Հաջող բանակցություններ վարելու համար Արցախի ղեկավարությանն անհրաժեշտ է լեգիտիմ մանդատ. փորձագետ
Արցախում նախագահական եւ խորհրդարանական ընտրություններ կանցկացվեն մարտի 31-ին...
Այսօր ես թողնում եմ Արցախի զինված ուժերի հրամանատարի պաշտոնը. Կարեն Աբրահամյանի հայտարարությունը
Ձեռքբերումների առումով անցած 2019 թվականը, իրոք, բեկումնային տարի էր Պաշտպանության բանակի համար...