Իտալական մրցավազքային Autodromo di Franciacorta մայրուղու մոտ կհայտնվի ութերորդ Porsche Experience Center-ը։ Բազմաֆունկցիոնալ հարթակը մոտ 60 հա տարածք կզբաղեցնի եւ իր մեջ կներառի ասֆալտապատ մրցուղի, արտաճանապարհային տարածք եւ հանգստի գոտի, գրում է Motor-ը։

Porsche-ի նոր «փորձի կենտրոնը» կտեղակայվի Իտալիայի հյուսիսում։ Տեղի գրասենյակը դրա կառուցման մեջ 26 միլիոն դոլար է ներդրել եւ հուսով է, որ այն կավարտվի 2021թ․ սկզբին։ Կենտրոնի առանձանահատկությունը կդառնան ապակեպատ Agora գմբեթը, կախովի կամուրջը, ռեստորանը եւ պատշգամբը, որից կերեւա մրցավազքի մայրուղու համայնապատկերը։  

2519 մետր երկարությամբ Autodromo di Franciacorta մայրուղին կվերանորոգեն։ Ապագայում Porsche Experience Center-ի տարածքում դրիֆտ-ուղի կհայտնվի։

Այսօրվա դրությամբ Porsche-ն արդեն յոթ «փորձի կենտրոն» է բացել։ Դրանք տեղակայված են Լեյպցիգում, Սիլվերսթոունում, Լե Մանեում, Լոս Անջելեսում, Շանհայում եւ Խոկենհայմեում։