Opel ընկերությունը Գերմանիայի Ռեյնլանդ-Պֆալց հողի հարավարեւմտյան Կայզերսլաուտերն քաղաքում մարտկոցների արտադրության խոշորագույն գործարանը կկառուցի, հայտնում է Reuters-ը։

Ինչպես հայտնել է ընկերության ղեկավար Միխաել Լոշելերը, նոր գործարանի կառուցման շնորհիվ կստեղծվի 2000 աշխատատեղ այդ տարածքում, որը շատ է կախված ավտոմեքենաների պահեստամասերի պատրաստումից։

«Մենք մարտկոցների արտադրության խոշորագույն գործարանը կկառուցենք Գերմանիայում, Կայզերսլաուտերնում։ Մեր գործընկեր Saft-ի հետ միլիարդ եվրոյի չափով ներդրումներ կանենք, որի շնորհիվ կբացվի 2000 աշխատատեղ։ Անելով դա՝ մենք կկառուցենք իսկական գիգագործարան»,- հայտարարել է Լոշելերը։