News
Լրահոս
News
Հինգշաբթի
Փետրվար 20
USD
478.63
EUR
517.06
RUB
7.53
ME-USD
0.05
Տեսնել լրահոսը

Իսրայելը չի հաղթի հակասեմիթականության դեմ պայքարը, քանի դեռ չի ճանաչել Հայոց ցեղասպանությունը: Այս մասին «The Jerusalem Post»-ին տված հարցազրույցում ասել է ՀՀ նախագահ Արմեն Սարգսյանը:

Նրա խոսքով՝ չկա տրամաբանական պատասխան հարցին, թե ինչու Իսրայելը չի ճանաչում Հայոց ցեղասպանությունը: «Չեմ կարող ասել, թե Իսրայելը հարաբերություններ ունի Թուրքիայի հետ, եւ դա է պատճառը: Ես չեմ կարող այդպես ասել»,- ասել է նա, սակայն խոստովանել, որ ամենայն հավանականությամբ այդ հարաբերություններն են Իսրայելի լռության կատալիզատորը:

Նախագահը նշել է, որ ողբերգության ճանաչումը բարոյականության հարց է, եւ նա հուսով է, որ մի օր Իսրայելը կճանաչի Ցեղասպանությունը, եւ «մարդկային, բարոյական արժեքները, պատմության կարեւորությունը կգերակշռեն»: Սարգսյանը նշել է, որ հակասեմիթականությունը դեռեւս ողջ է, եւ համեմատելի ողբերգությունների՝ Հոլոքոստի եւ Հայոց ցեղասպանության առնչությամբ Հայաստանին կարեկցանք հայտնելու Իսրայելի անկարողությունը վնաս կհասցնի Իսրայելին եւ մշտապես աճող հակասեմիթականության դեմ հրեական ազգի ջանքերին:

Սարգսյանը կարծիք է հայտնել, որ Թուրքիան չի ճանաչել Ցեղասպանությունը, քանի որ դա անհարմար կլիներ երկրի համար. միլիոնավոր մարդիկ են զոհվել, մշակույթ է ոչնչացվել, եւ ամենայն հավանականությամբ Թուրքիան վախենում է նյութական եւ բարոյական պահանջներից:  

«Հնարավոր է, որ նրանք վախենում են, քանի որ երկար տարիներ նրանք ճշմարտությունը չեն ասել իրենց երեխաներին եւ թոռներին»,- շարունակել է նա:

ՀՀ նախագահը նշել է, որ այ կամ այն երկրի կողմից Ցեղասպանության ճանաչումը չի փոխի իր եւ աշխարհով սփռված միլիոնավոր հայերի կյանքը, սակայն չճանաչումը հակառակ արդյունքի կհանգեցնի: Նրա խոսքով՝ ճանաչումը որոշում է՝ արդյոք երկիրն ունակ է հանդուրժող հասարակություն կառուցել:

Սարգսյանը հավելել է, որ այսօր աշխարհում պետք է վախենան ոչ թե վիրուսներից եւ հիվանդություններից, այլ «անմարդկայնության հիվանդությունից»: Այն պահին, երբ Իսրայելը ճանաչի Ցեղասպանությունը, երկիրն իսկապես կկարողանա օրինական դեր ունենալ հակասեմիթականության եւ ծայրահեղականության դեմ պայքարում: «Այդ ժամանակ մենք կարող ենք միավորվել եւ ասել՝ «վերջ, բավական է»: Եթե մենք դա չանենք, եւ բոլորն ինքնուրույն խաղան այդ խաղը, մենք կպարտվենք»,- ասել է նա:

ՀՀ նախագահը նշել է նաեւ, որ մասնակցել է Հոլոքոստի հիշատակի համաշխարհային ֆորումի, քանի որ չի կարծում, թե «ցանկացած հայի համար ճիշտ կլիներ Հոլոքոստի ողբերգության մասին հիշատակը կապել նրա հետ, թե արդյոք Իսրայելի խորհրդարանը ճանաչում է կամ չի ճանաչում Հայոց ցեղասպանությունը»:

«Լինելով Հայաստանի նախագահ՝ ոչ մի դեպքում չէի մտածի այստեղ չգալու մասին»,- հավելել է Արմեն Սարգսյանը:       

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ուկրաինայի խորհրդարանում գրանցվել է Հայոց ցեղասպանության զոհերի հիշատակը հարգելու որոշման նախագիծը
«Ժողովրդի ծառա» կուսակցությունից Ուկրաինայի ժողովրդական պատգամավոր Դարիա Վոլոդինայի օրենսդրական նախաձեռնությունը գրանցվել է փետրվարի 14-ին...
ՀՅԴ Հայ Դատի կենտրոնական խորհուրդը ողջունում է Սիրիայի խորհրդարանի կողմից Հայոց ցեղասպանության բանաձեւի ընդունումը
Սիրիայի կողմից այս ճանաչումը եւ դատապարտումը կրկնակի կարեւորություն ունի, որովհետեւ սոսկ իրողության հաստատումից անդին է անցնում...
Նման որոշումները պետք է ավելի վաղ կայացվեն. Մարուքյանը` Սիրիայի խորհրդարանի որոշման մասին
«Հայոց ցեղասպանության մասին չպետք է հիշել միայն այն ժամանակ, երբ ինչ-որ մեկի մոտ որոշակի լարվածություն է առաջանում Թուրքիայի հետ...
ՀՀ խորհրդարանը ողջունում է Հայոց ցեղասպանության միաձայն ճանաչման մասին Սիրիայի խորհրդարանի որոշումը
Սիրիացի խորհրդարանականների օրակարգը ներառում էր Սիրիա-Հայաստան բարեկամական խմբի կողմից ներկայացված․․․
Թուրքիան դիտավորյալ թաքցնում է Հայոց ցեղասպանության փաստերը. Թաներ Աքչամ
Ռազմական տրիբունալի ժամանակ, Աքչամի խոսքով, պետական մեղադրողները գրել են մեղադրական ակտեր եւ դատավճիռներ այդ հեռագրերի մեջբերումների հիման վրա...
Սիրիայի խորհրդարանը կողմ է քվեարկել Օսմանյան Թուրքիայում Հայոց ցեղասպանության ճանաչման եւ դատապարտման մասին բանաձեւին
Բանաձեւը ներկայացվել է Սիրիա-Հայաստան բարեկամության խորհրդարանական խմբի կողմից...