Ինսայդերների տվյալներով՝ Toyota-ն աշխատում է Supra սպորտքարի առավել հզոր տարբերակի ստեղծման ուղղությամբ, որը GRMN ինդեքս եւ 400 ձիաուժ կստանա, գրում է Motor-ը։
Best Car Web-ը, հղում կատարելով Toyota-ում սեփական աղբյուրներին, գրում է, որ ճապոնացիները 2020թ․ ընթացքում կարող են «լիցքավորված» Supra GRMN թողարկել։ Սպորտքարը կստանա շարքային եռալիտր «վեցնյակ»՝ տուրբոփչիչով, որի հզորությունը կբարձրացնեն մինչեւ 400 ձիաուժի։ Ի լրումն հզորության մեծացման, Supra GRMN-ը ածխածնային մանրաթելերից պատրաստված բաղադրիչների օգտագործման շնորհիվ շատ ավելի թեթեւ կլինի «քաղաքացիական» մոդելից։
Բացի այդ, արդիականացված Supra-ն կտարբերվի թափքի ավելի մեծ կոշտությամբ։ Ամենայն հավանականությամբ, սպորտքարը կստանա նաեւ ավելի ագրեսիվ աերոդինամիկ կախոց, իսկ փոխանցման մեխանիկական տուփի, ինչպես հաստատում են Toyota-ի ինսայդերները, սպասել պետք չէ։ Վերջապես, «լիցքավորված» Supra-ն, ամենայն հավանականությամբ, նկատելիորեն ավելի թանկ կլինի «սովորական» մոդելներից։