Պաղեստինա-իսրայելական հակամարտությունը հաղթահարելու նախկին փորձերը ձախողվել են, եւ համաշխարհային հանրությունը վճռականությունը վերանայելու ու այս հիմնախնդրի հանդեպ նոր ստեղծագործական մոտեցումների անհրաժեշտություն ունի: Այսպիսի կարծիք է հայտնել ԱՄՆ նախագահ Դոնալդ Թրամփը՝ երեքշաբթի երեկոյան ԱՄՆ Կոնգրեսի Սենատի եւ Ներկայացուցիչների պալատի առջեւ ելույթ ունենալով «Երկրի իրավիճակի վերաբերյալ» ամենամյա ուղերձով, փոխանցում է ՏԱՍՍ-ը:
ԱՄՆ վարչակազմի ղեկավարը հիշեցրել է, որ Վաշինգտոնը հունվարի 28-ին հրապարակել է Մերձավոր Արեւելքում կարգավորման իր նոր ծրագիրը, որը նաեւ անվանում են «դարի գործարք»:
«Անցյալ շաբաթ ես ներկայացրել եմ Իսրայելի եւ պաղեստինցիների միջեւ խաղաղության [հասնելու] առաջխաղացման ծրագիրը: Հասկանալով, որ նախկին բոլոր փորձերը ձախողվել են, մենք պետք է վճռական եւ ստեղծագործական լինենք, որ տարածաշրջանը կայունացնենք եւ միլիոնավոր երիտասարդների ավելի պայծառ ապագայի հնարավորություն տանք»,- ասել է Թրամփը: