Samsung Galaxy S20 նոր ֆլագմանային սմարթֆոնների լուսանկարները կորեական ընկերության կայքում են հայտնվել ժամանակից շուտ, հայտնում է WinFuture-ը:
Լրագրողները նկատել են, որ Samsung-ը իր ֆլագմանների դիզայնը համացանցում ցույց է տվել ներկայացնելուց մոտ մեկ շաբաթ առաջ: Սմարթֆոններին նվիրված էջերը հայտնաբերվել են կորպորացիայի եվրոպական բաժանմունքներից մեկի կայքում եւ հեռացվել են հենց դրանց հայտնվելու մասին հայտնել են համացանցում:
Samsung-ը միաժամանակ բացահայտել է նոր սմարթֆոնների մի քանի աքսեսուարներ՝ ներառյալ ներկառուցված լուսադիոդներով պատյանը: Լուսանկարներից դատելով՝ կորեական արտադրողի ֆլագմանային սարքը կունենա բարակ շրջանակով էկրան եւ ճակատային խցիկ, որը տեղադրված է դիսփլեյի միջնամասում՝ կլոր անցքում: Դեւայսի հետեւի պանելին կլինի լուսարձակով եռակի խցիկը ուղղանկյուն բլոկի մեջ:
Ընկերության կայքում հայտնված էջերը նաեւ հաստատել են սմարթֆոնների նոր հավաքածուի անվանումը՝ Galaxy S20, այլ ոչ թե S11, ինչպես ավելի վաղ ենթադրվում էր: Պարբերականը նշում է, որ այսպես է կոչվելու դեւայսների նոր հավաքածուի բազային ֆլագմանը, մնացյալ մոդիֆիկացիաները կարող են ստանալ Plus կամ Ultra ածանցներ: