Հայտնի Viber մեսենջերի ստեղծողները հայտնել են նոր «Իմ նշումները» ֆունկցիայի մասին, որը հասանելի է Viber-ի թարմ բետա-տարբերակում, հաղորդում է Planet today-ը:
Նշումները օգտատերերին թույլ կտան կարգավորել սեփական ամենօրյա խնդիրները, կարգի բերել կարեւոր գրառումները, ինչպես նաեւ թեթեւացնել տեղեկատվական քաոսը, որի պայմաններում մարդիկ այսօր ապրում են:
Ֆունկցիան արդեն թողարկվել է Իսրայելում եւ Բելառուսում, իսկ փետրվարի 10-ից հասանելի կլինի ամբողջ աշխարհում Viber-ի ստաբիլ տարբերակում:
«Իմ նշումները» չաթի ցուցակում հատուկ բաժին է, որտեղ կարելի է ավելացնել ակտուալ տվյալներ, հիշեցումներ, մեդիաֆայլեր եւ այլն: Հավելվածի ստեղծողները նշել են, որ նոր ֆունկցիան կթեթեւացնի շատ օգտատերերի կյանքը:
Rakuten Viber-ի օպերացիոն տնօրեն Օֆիր Էյալի խոսքով՝ ֆունկցիան թույլ կտա ոչ միայն կարգի բերել անձնական գործերի մասին տեղեկությունը, այլ նաեւ նման տվյալներով փոխանակվել Viber-ի մյուս օգտատերերի հետ: