Թուրքիան տեղափոխում է հատուկ նշանակության զորքերին Իդլիբում ապաէսկալացիայի գոտի, տեղեկացնում է Անատոլիական գործակալությունը:
«Հատուկ նշանակության զորքերով, ռազմատեխնիկայով եւ ռազմամթերքով 150 բեռնատարից բաղկացած շարասյունը հասել է Սիրիային սահմանակից Ռեյխանլի շրջան (Հաթայ նահանգ), որտեղից շարունակելու է ուղղությունը դեպի Սիրիա»,-գրում է գործակալությունը:
Փետրվարի 4-ին Թուրքիայի նախագահ Ռեջեփ Թայիփ Էրդողանը հայտնել է, որ չի հեռանալու Իդլիբի դիտակետերից եւ պատրաստվում է ամրապնդել դրանք:
Դա տեղի է ունեցել, երբ սիրիական բանակի օդային հարվածների հետեւանքով, համաձայն պաշտոնական Անկարայի հաղորդագրությունների, այդ նահանգում զոհվել է հինգ թուրք զինծառայող եւ երեք քաղաքացի: