News
Լրահոս
News
Հինգշաբթի
Փետրվար 20
USD
478.63
EUR
517.06
RUB
7.53
ME-USD
0.05
Տեսնել լրահոսը

Երուսաղեմում Ռոքֆելերի թանգարանում բացվել է ցուցահանդես, որը նվիրված է Երուսաղեմում հայկական կերամիկայի 100-ամյակին:

Ինչպես գրում է The Times of Israel-ը՝ արհեստավոր Դավիթ Հովհաննիսյանը եւ նրա բրիտանացի պատվիրատուն փոխել են մայրաքաղաքի տեսքը 1920-ական թվականներին, եւ այժմ հայի աշխատանքը ներկայացված է հնագիտական թանգարանում, ինչպես նաեւ քաղաքի փողոցներում:

1919 թվականին Երուսաղեմի բրիտանացի զինվորական նահանգապես Ռոնալդ Սթորսը խնդրել էր նկարիչ Դավիթ Հովհաննիսյանին, որը նախկինում արդեն աշխատել էր Բրիտանիայում, վերականգնել սալիկները Երուսաղեմում: Հովհաննիսյանն ընդունել էր առաջարկն ու անգլիացիների հետ միասին բերել հայ նկարիչներ Նշան Բալյանին ու Մկրտիչ Քարաքաշյանին: Նրանք երեքով ունեին փորձ կերամիկայի ոլորտում Թուրքիայում:

Մի քանի տարի անց նահանգապետն ու հայ նկարիչները փոխել էին Երուսաղեմի արտաքին տեսքը: Հայերը համադրել էին ավանդական կերամիկան ամեն ինչի հետ, ինչը եզակի էր Երուսաղեմի համար: Այդ օրվանից հայկական երուսաղեմական կերամիկան կարելի է տեսնել տասնյակ շենքերի վրա ամբողջ քաղաքում:

Անցած աշուն Ռոքֆելերի թանգարանը բացել է նոր ուշագրավ ցուցահանդես, որն այցելուների համար բացահայտում է հայկական կերամիկայի 100 տարին: Կազմակերպիչներն անվանել են ցուցահանդեսը «Դրախտի փայլատակում»՝ ի պատիվ նույնանուն հեքիաթային ֆրեսկայի, որը ստեղծվել է հանգուցյալ Մարի Բալյանի՝ կերամիկայի գծով համաշխարհային ճանաչում ունեցող հայ նկարչի կողմից:

!
Այս նյութը հասանելի է նաև   English and Русский
Տպել