Հարավային Կորեայում անցկացրել են արտասովոր տեխնո-գիտափորձ: Munhwa ռադիոհեռարձակող ընկերությունը որոշել է ստեղծել վավերագրական ֆիլմ «Ես հանդիպեցի քեզ» խորագրով, գրում է Comments.ua-ն:
Վավերագրական ֆիլմի հերոսները կդառնան մայրն ու նրա դստեր վիրտուալ կերպարը, որը մահացել է երեք տարի առաջ անբուժելի հիվանդությունից:
Որպեսզի մայրը տեսներ երեխային, կիրառվել է վիրտուալ իրականության տեխնոլոգիան: Հատուկ ակնոցն ու ձեռնոցները շոշափելի պատասխանով, ինչպես նաեւ երեխայի թվային կերպարը թույլ են տվել կնոջը հավատալ, որ նրա դուստրը ողջ է: Ինտերիերի համար ընտրվել են այգու պատկերներ, որտեղ նրանք զբոսնել են դստեր կենդանության օրոք: Կինը կարողացել է բռնել «ուրվականի» ձեռքը եւ միասին նշել ծննդյան տարեդարձը: Տեղի ունեցածը, դիտորդների կարծիքով, իսկական հուզական ցնցում էր: