Ռուսաստանի նախագահ Վլադիմիր Պուտինի առաջարկը ՄԱԿ-ի համահիմնադիր հինգ երկրների ղեկավարների հանդիպման շուրջ քննարկման փուլում է Սպիտակ տանը, «Ռոսիա 1» ալիքի եթերում «Մոսկվա: Կրեմլ: Պուտին» հաղորդման շրջանակում հարցազրույցի ժամանակ հայտարարել է Ռուսաստանում ԱՄՆ դեսպան Ջոն Սալիվանը, հաղորդում է ՌԻԱ Նովոստի-ն:
Հոլոքոստի հիշատակին նվիրված հինգերորդ Համաշխարհային ֆորումի ընթացքում Ռուսաստանի նախագահն իր ելույթի ժամանակ առաջարկել է անցկացնել ՄԱԿ-ի Անվտանգության Խորհրդի մշտական անդամ պետությունների՝ Ռուսաստանի, Չինաստանի, ԱՄՆ-ի, Ֆրանսիայի եւ Մեծ Բրիտանիայի ղեկավարների հանդիպումը, եւ հայտարարել է, որ ՌԴ-ն մտադիր է «համապատասխան ուղերձ հղել հնգյակի առաջնորդներին՝ չհետաձգելով իր առաջարկի իրագործումը»:
«Ես գիտեմ, որ այդ առաջարկը ներկայումս քննարկվում է Սպիտակ տանը: Եւ ես գիտեմ, որ նախագահ Թրամփը կողջունի նախագահ Պուտինի հետ զրուցելու հնարավորությունը: Սպասենք նրա արձագանքին»,-ասել է Սալիվանը:
